Patrýldik polısııa qyzmetkerleri Almagúl yqsham aýdanynda Mitsubishi Lanser kóligin toqtatý kezinde, kólik júrgizýshisi zańdy talapqa baǵynbaı, izin sýytpaq bolǵan.
Tekserý barysynda júrgizýshiniń masań kúıde ekeni jáne kóliginen sholaq myltyq tabylyp, alyndy. Sot medısınalyq saraptama qorytyndysymen júrgizýshiniń jeńil dárejeli ishimdik ishkeni anyqtalyp, oǵan qatysty ÁQBtK-niń 608-babymen "Júrgizýshiniń kólik quralyn alkogoldik masań kúıde basqarýy" boıynsha hattama toltyryldy.
Sonymen qatar QR QK 287-baptyń 3-bóligi "Atys qarýyn, oq-dárilerdi jarylǵysh zattardy nemese jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý" boıynsha sotqa deıingi tergep-tekserý júrgizilip jatyr.
