Pavlodar oblysy ákimi baspasóz qyzmetiniń málimdeýinshe, 13 shildede dál túski ýaqytta Pavlodar oblysynyń ákimi Ábilqaıyr Sqaqov, onyń orynbasarlary, quqyq qorǵaý organdarynyń basshylary jáne "Nur Otan" partııasynyń ókilderi oblystyq ákimshilik aldyndaǵy alańǵa shyqty. Olar búkil elmen birge indet qurbandaryn bir mınýt únsizdikpen eske aldy.
Memleket basshysy Qasym-Jomart Toqaev 8 shildedegi qazaqstandyqtarǵa jasaǵan teleúndeýinde 13 shildeni koronavırýs indetiniń qurbany bolǵandardy eske alýǵa baılanysty jalpyulttyq aza kútý kúni dep jarııalady.
Elimizde týlar tómen túsirilip, oıyn-saýyq sharalary toqtatyldy, radıostansııalar men telearnalar oıyn-saýyq baǵdarlamalary men jarnamalar taratýdy toqtatty.
