Koronavırýs • 14 Shilde, 2020

“Qıyn ssenarıı” bolǵan jaǵdaıda elge qansha tynys alý apparaty qajet?

89 ret kórsetildi

Densaýlyq saqtaý mınıstri Alekseı Soıdyń aıtýynsha, Qazaqstan ókpeni jasandy jeldetýdiń 4 myńnan astam apparatyn satyp alǵan jaǵdaıda eń qıyn ssenarııdiń ózine daıyn bolady, dep jazady Egemen.kz

"Qazirgi tańda Qazaqstandaǵy ınfeksııalyq stasıonarlardaǵy 1553 ınfeksııalyq jansaqtaý tósek ornynda 966 dana stasıonarlyq ókpeni jasandy jeldetý apparaty bar. Sonymen birge Densaýlyq saqtaý mınıstrliginiń Ulttyq qoǵamdyq densaýlyq saqtaý ortalyǵynyń boljamyna sáıkes jalpy elge aldaǵy ýaqytta 6 365 jansaqtaý tósek ornyna 4 093 ókpeni jasandy jeldetý apparatyn satyp alý kerek bolady", - dedi Alekseı Soı Úkimettiń otyrysynda.

Mınıstrdiń aıtýynsha, osyndaı kólemdegi apparatty satyp alǵan jaǵdaıda eldegi aýrýhanalar qıyn ssenarııdiń ózine daıyn bolady.

"Bul apparattardy satyp alý shyǵynyn Dúnıejúzilik banktiń qaryzyn qaıta bólý jolymen 5,5 mlrd teńge, jergilikti bıýdjetterdiń 4,9 mlrd teńgelik resýrsymen, Úkimet rezerviniń qarajaty arqyly (otandy óndiristegi apparattardy satyp alý arqyly) jabý usynylady", - dedi ol.

Mınıstrdiń aıtýynsha, Indýstrııa jáne ınfraqurylymdyq damý mınıstrliginiń málimetine sáıkes osy jyldyń tamyzynda ókpeni jasandy jeldetý apparattarynyń otandyq óndirisi jolǵa qoıylyp, olardyń 595 dana alǵashqy partııasy densaýlyq saqtaý uıymdaryna jetkiziledi.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar