- Biz kolonııa aýmaǵynda birneshe jyldardan beri qyzmet etip kelemiz. Alǵashqy seh GM-172/1 mekemesinde ashylǵan bolatyn. Karantın sharalary engizilgenge deıin biz arnaıy kıimder tigip, jıhaz jasaýmen aınalysqan edik, deıdi kolonııa aýmaǵyndaǵy "Ramıt-Aqtaý" jaýapkershiligi shekteýli seriktestik sehynyń bastyǵy Iýsıf Gamıdov.
Seh bastyǵynyń aıtýynsha, kornonavırýs pandemııasyna baılanysty oryn alǵan qıyn jaǵdaıǵa olardyń tez ári batyl beıimdelýine týra kelgen. Kıim tigýden basqa óndirister jabylyp, dárigerlerge arnalǵan qorǵanysh kostıýmderin jedel ári sapaly tigý qarqyndy qolǵa alyndy.
Qazirgi tańda "Ramıt-Aktaý" Jaýapkershiligi shekteýli seriktestigi
40 myńǵa tarta birrettik qorǵanysh kostıýmderi men birneshe myńdaǵan betperdeler tigip óz tutynýshylaryna usyndy. Qazir ónerkásip sehynda áli 15 myń kostıýmge jetetin materıal bar. Baǵasy qoljetimdi kıimder men betperdelerge dárigerlik mekemelermen birge óz qyzmetkerleriniń qaýipsizdigin qamatamasyz etýdi jolǵa qoıǵan ózge de mekemeler qyzyǵýshylyqpen suranys túsirýde.
Jazasyn óteýshiler qıyn kezde halyqtyń qoltyǵynan demep, pandemııamen kúreske óz kómekterin qosýdy azamattyq, el aldyndaǵy perzenttik paryz dep sanap, zor yqylaspen jumys jasaýda.
GM-172/6 mekemesi aýmaǵynda "Enbek-Atyraý" memlekettik mekemesi men "Ramıt-Aktaý" JShS jumys isteıdi. Qos kásiporyn pandemııa ylańy bastalǵaly beri 61200 betperde, polısııa qyzmetkerleri men mekeme qyzmetkerlerine arnap 279 qorǵanysh kıimderin, dárigerler men ózge de qyzyǵýshylyq bildirgen mekemeler úshin 40 000 birrettik qorǵanysh kıimderin daıyndady.
Jazasyn ótep júrgen jandardyń elge degen janashyrlyǵy, aýyrptalyqty halyqpen birge kóterisip, óz múmkindikterinshe kómek uıymdastyrýy jan súısintedi.
