Brazılııanyń federaldy polısııasy AQSh pen Kanada tarapynan Brazılııa memlekettik qurylymdary men ónerkásiptik kompanııalaryna baǵyttalǵan tyńshylyq derekteri boıynsha tyńǵylyqty tergeý amaldaryn júrgizýde. Bul týraly ITAR-TASS habarlady.
«Tergeý amaldaryn júrgizý barysynda AQSh ulttyq qaýipsizdik agenttiginiń burynǵy qyzmetkeri Edvard Snoýdenniń derekteri biz úshin úlken qajettilik týdyryp otyr», – deıdi Brazılııa federaldy polısııasy barlaý basqarmasynyń basshysy Joze Albertý Freıtas.
«Biz úshin Snoýden eń negizgi aqparat kózi bolyp otyr. Eger onymen sóılesýge múmkindik bolmasa, tergeý isiniń aldyǵa jyljýy ekitalaı», – dedi Brazılııa senatynyń elektrondy barlaý derekteri jónindegi keńesiniń basshysy Rıkardo Ferraso. Ol sondaı-aq beısenbi kúni Reseı bıliginen Snoýdenmen beıne jeli arqyly sóılesýge ruqsat suraıtynyn málimdedi.
Aıdar О́risbaev.
