Áýlıeatalyqtarǵa kómek qolyn sozdy

«Tek-imas» kompanııa­sy Jambyl obly­syna 5 ottegi konsentratoryn jiberdi. Atalǵan qurylǵylar Taraz qala­­syn­daǵy kópsalaly klı­nı­ka­lyq aýrý­hananyń pýl­mo­nologııa bóli­mi­ne jetkizildi. Sondaı-aq «Orhun Medical» jáne «Yildiz Holding» kom­pa­­nııa­syndaǵy túrik ınvestorlary qa­ýipti indetpen kúres kezinde eńbek etip júrgen jambyldyq medısına qyzmetkerlerine 450 qorǵanys kıim jıyn­ty­ǵyn alyp ber­di. Onyń qa­ta­­rynda qor­ǵa­nys ja­myl­ǵylary, qol­­ǵap­tar, medısınalyq mas­ka­lar, qal­qan­dar jáne taǵy da basqa zattar bar. Atal­ǵan gýmanıtarlyq kómek «Air Astana» ult­tyq áýe tasymalynyń tike­leı qoldaýymen elge jetkiziledi.

Qıyn kezeńdegi shuǵyl gýmanı­tar­lyq kómegi úshin Taraz qalalyq kóp­beıindi klınıkalyq aýrý­ha­na­sy­nyń ujymy túrik tarapyna jáne Qazaq­s­tannyń Túrkııadaǵy el­shi­ligine rı­za­­shylyǵyn bildirdi. «Jambyldyq dá­ri­gerler baýyrlas ha­lyqtyń kó­me­­gin rıza­shy­lyqpen qabyldap, muny koronavırýs indeti­men kúres kezin­de ynty­maq­tastyqtyń aıqyn kórinisi dep sanaıdy. Kómek tek shetelden ǵana emes, sonymen qatar jergilikti uıymdardan da, janashyr tulǵalardan da kelýde», deıdi Taraz qala­lyq kópbeıindi klını­kalyq aýrý­hanasy bas dárigeriniń orynbasary Erbol Ordabekov. Áýlıeatalyq dárigerler Tarazdaǵy «Eskýlap» emdeý ortalyǵynyń dırektory Oleg Ratnıkovqa NewPort HT-70 tynys alý apparatyn tartý etkeni úshin alǵys bildiredi. Sondaı-aq Taraz qala­lyq kópbeıindi klınıkalyq aýrý­ha­na­sy­nyń reanımasııa jáne pýlmono­lo­gııa bóliminiń dárigerleri men me­dı­sınalyq qyz­met­kerleri Aqylbek Sadyrbaev pen Bahrom Mýmınov sııaq­ty jer­gi­likti kásipkerlerge ystyq túski as uıymdastyrǵany úshin alǵys aıta­dy. 

– Sonymen qatar búgingi tańda oblys ákimi Berdibek Saparbaevtyń tap­syr­masy boıynsha oblystyq den­saý­lyq saqtaý basqarmasy naý­qas­tar úshin qosymsha tósek da­ıyndap, dári-dármekter men medı­sı­nalyq jab­dyq­tar satyp alýda. Búginde oblys­tyń medısınalyq meke­me­le­rinde 70 ot­tegi konsentratory bar. Al osydan birer kún buryn de­meýshiler ese­bi­nen qo­symsh­a 11, jergilikti bıýdjet ar­qyly taǵy 4 ottegi konsentratory satyp alyndy. Oblystyń medı­sı­n­alyq mekemeleri barlyǵy 146 ókpeni ja­sandy jeldetý apparatymen qam­tyl­ǵan. Endi jýyrda jergilikti jáne res­pýb­lı­kalyq bıýdjet esebinen satyp alynǵan 62 ókpeni jasandy jeldetý apparaty jetkiziledi.

Jambyl oblysy