Azamattardyń qoǵamdyq tártipke beı-jaı qaramaýlaryn belgili pablıkterden jıi kórýge bolady, onda paıdalanýshylar foto jáne beınekontentter jiberedi. Osyndaı materıaldar boıynsha polısııa qyzmetkerleri tekserister júrgizip, zańnamamen belgilengen sharalardy ýaqtyly qabyldaıdy. "Halyqpen keri baılanys bul – polısııa vedomstvosynyń barlyq bólinisteri úshin asa mańyzdy qadam. Polısııa jumysyndaǵy basymdylyq barlyq ótinishterge, onyń ishinde onlaın-formatta kelip túskenderge jedel áreketetý bolyp tabylady. Quqyq buzýshylyqtarǵa beı-jaı qaramaı, soltústikqazaqstandyqtardyń jıi kórsetip kele jatqan belsendi azamattyq ustanymy azamattardyń qaýipsizdigin qamtamasyz etý, qoǵamdyq tártipti saqtaý boıynsha jumystyń tıimdiligine yqpalyn tıgizedi", - deıdi óz sózinde "halyq únine qulaq asatyn memleket" prınsıpine toqtalǵan SQO PD bastyǵy, polısııa polkovnıgi Marat Tólebaev.
Jyl basynan áleýmettik jelilerde soltústikqazaqstandyqtar polısııanyń jumysyna qatysty 140-tan astam post ornalastyrdy. Olardyń deni jol qozǵalysy qaýipsizdigi, TJ rejimin, abattandyrý qaǵıdalary, tynyshtyqtyqty buzýshylyqtarǵa qatysty boldy. Barlyq foto jáne beınematerıaldar boıynsha tekserister júrgizilip, tıisti sharalar qabyldandy.
