Jaqynda issaparmen kenshiler qalasy Zyrıanda bolǵanymyzda aýdan ákimi Ermak Sálimov metallýrgterdiń Mádenıet saraıynda ashylǵan jattyǵý zalyna ertip keldi. Bir buryshta aýyr atletıkamen shuǵyldanatyndar aq ter, kók ter bolyp jattyǵyp jatsa, atshaptyrym zalda kenshiler arnaıy jabdyqtarmen dene qımyldaryn jasaýda.
Jaqynda issaparmen kenshiler qalasy Zyrıanda bolǵanymyzda aýdan ákimi Ermak Sálimov metallýrgterdiń Mádenıet saraıynda ashylǵan jattyǵý zalyna ertip keldi. Bir buryshta aýyr atletıkamen shuǵyldanatyndar aq ter, kók ter bolyp jattyǵyp jatsa, atshaptyrym zalda kenshiler arnaıy jabdyqtarmen dene qımyldaryn jasaýda.
– «Kazsınk» jaýapkershiligi shekteýli seriktestigi qala turǵyndaryna keremet syı jasady. Oblys ákimdigi men «Kazsınk» JShS-y arasynda jasalǵan memorandýmǵa sáıkes jattyǵý zalyn paıdalanýǵa berdi. Ony jabdyqtaýǵa jáne qajetti qondyrǵylardy satyp alýǵa 10 mıllıon teńge qarjy bóldi. «Kazsınk» seriktestiginiń ákimshilik máseleler jónindegi vıse-prezıdenti Andreı Lazarev munyń aldynda Rıdder qalasynda kópshiliktiń salamatty ómir saltyn ustanýǵa jáne sportpen aınalysýyna 10 mıllıon teńge qarjy bólip, jańa jattyǵý alańyn paıdalanýǵa jaǵdaı jasaǵan. Elbasynyń Qazaqstan halqyna Joldaýynda adamdardyń buqaralyq sportpen aınalysyp, densaýlyqtaryn túzeýge kóńil bólýleri jaıly aıtylǵan. Shaǵyn qalalar tizimine engen Zyrıan men Rıdderdiń ekonomıkasy damyp keledi. «Kazsınkke» qarasty eki qaladaǵy kásiporynda búgingi tańda birneshe myń adam eńbek etedi, – deıdi Zyrıan aýdanynyń ákimi Ermak Bıdahmetuly.
– Oblys ákimdigimen jasasqan memorandýmǵa sáıkes biz qalanyń dárigerlik mekemelerine, «Jedel járdem» bólimshesi men qurt aýrýy dıspanserine, shaıbaly hokkeı modýlyna qolǵabys jasaýǵa tıis bolatynbyz. «Kazsınk» JShS-niń basshylary bergen sertterine berik, aldaǵy ýaqytta da qaıyrymdylyq sharalaryna qatysyp, ólkeniń órkendeýine úles qosa beredi, – deıdi «Kazsınk» JShS-niń ákimshilik máseleler jónindegi vıse-prezıdenti Andreı Pavlovıch Lazarev.
Ońdasyn ELÝBAI,
«Egemen Qazaqstan».
О́SKEMEN.
