Bızneske bóget joq

Álemdik ekonomıka damýynyń qazirgi kezeńinde shaǵyn jáne orta bıznesti qoldaý turaqty jumys oryndaryn qurý men ekonomıka ósiminiń negizi sanalady. Bul halyqtyń ál-aýqatynyń kóterilýine mýltıplıkatıvti áser etetini belgili.

– COVID-19 pandemııasy ke­zeńinde halyqqa kesel juqty­rýdyń aldyn alý úshin kóptegen ju­mys istelýde. Sonyń ishinde Qazaqstandaǵy ShOB sýbektileri úshin de birqatar shekteý sharalary bekitilgeni kópke aıan. Búginde olardy qoldaý maqsatynda Úki­met daǵdarysqa qarsy birqatar sha­ralardy usyndy. ShOB-tyń qarjyǵa qol jetkizýin jeńildetý maqsatynda memlekettik baǵdar­lamalardyń sharttary ózgertildi, – dedi Sh.Ahmetov.

Onyń aıtýynsha, kásibin endi bastaǵan tulǵalarǵa da arnaıy jeńildikter qarastyrylýda. Bank­ter nesıe kúntizbesin uzart­ty, endi salyq boıynsha da keder­giler bolmaıdy.

Máselen, 2020 jyldyń birinshi jartyjyldyǵynda «Damý» qory nesıe somasy 239 mlrd teńge bolatyn 6,8 myń jobaǵa qol­daý kórsetken. Qoldaýdyń eń qajetti quraldarynyń biri – syıaqy mólsherlemesin sýbsıdııa­laý. Bul qural boıynsha kómekti kásipkerler «Bıznestiń jol kartasy-2025», «Qarapaıym zattar ekonomıkasy», BUU Damý baǵdarlamasy men «Nurly jer» baǵdarlamasy aıasynda ala alady. Osy kezeńde jalpy somasy 3 trln teńge bolatyn 16 myńnan astam joba júzege asqan.

Baspasóz máslıhaty barysynda spıkerler kásipkerlerdiń jumysy ilgerileý úshin barynsha qolaıly jaǵdaı jasalatynyn jetkizdi.

– «Damý» qory tótenshe jaǵ­daı rejimi kezinde jáne karantın engizilgen sátten bastap qazaqstandyq bıznes úshin memlekettik qoldaý sharalaryn kórsetýden tynbady. 16 naýryzdan bastap qor jalpy somasy 101 mlrd teńge bolatyn 1 294 jobaǵa sýbsıdııa jáne kepildik berdi, – dedi F.Sársekeev.

Munymen qatar, daǵdarysqa qarsy sharalardy iske asyrý aıasynda jáne TJ kezindegi sheshim qabyldaý prosesin ońtaılandyrý maqsatynda «Damý» qory ShOB nesıelerin qaıta qurylymdaýǵa qatysty ózgeristerdi maquldaý­dyń ońaılatylǵan túrine kóship, joba qaraý merzimin 5-ten 1 kúnge deıin qysqartqan. 16 naýryzdan 25 mamyr aralyǵynda qor jańa jobalarmen qatar, jalpy somasy 467 mlrd teńge bolatyn 6 091 jobany qarap, qaıta qurylymdaýdy usynyp otyr.

Kásipkerlerdi qamtý aıasyn keńeıtý úshin «Damý» qory «Al Hilal» banki men «Qazaqstan Id­jara» kompanııasyna jalpy so­masy 10,5 mlrd teńge bolatyn qarajat salýǵa kelisim jasaǵan. Bul qarjy kásipkerlerge «Mýrabaha» ıslam qarjylandyrý qaǵıdattary sharty boıynsha beriledi.