Densaýlyq mınıstri ótkizgen kezdesýdiń kún tártibinde monıtorıngtik toptardyń jumysyn uıymdastyrý, olardyń naqty qyzmetin anyqtaý, quqyqtyq mártebe berý máseleleri talqylandy. Almaty qalasy boıynsha "Qoǵamdyq baqylaý" qoǵamdyq bastamasynyń belsendisi Saıda Táýekelovanyń aıtýyna qaraǵanda dárihanalardy teksergende, gýmanıtarlyq júkterdi jetkizýge kómekteskende jáne medısınalyq uıymdarǵa reıd barysynda quqyqtyq sıpattaǵy máseleler jıi týyndaıdy. "Árbir monıtorıngtik toptyń naqty qyzmetin belgilep, eriktilerge kýálik, jadynama men taný belgilerin berý kerek, túsken aqparatty óńdep, ony sheshim qabyldaý úshin tıisti ınstansııalarǵa berý qajet", - dedi eriktiler qozǵalysynyń kóshbasshysy.
"Qoǵamdyq baqylaýdyń" respýblıkalyq úılestirýshisi Lıma Dıastyń pikirinshe, jumysty bir júıege qoıyp, eń bastysy dárigerlerdiń qyzmetine kedergi keltirmeı, mamandar men pasıentterdiń densaýlyǵyna qaýip tóndirmeý qajet. Eriktilerge qatań sanıtarlyq rejimdegi mekemelerge, ınfeksııalyq stasıonarlarǵa kirýine ruqsat etý kerek.
Sonymen qatar Lıma Dıas barlyq oblysta eriktiler qozǵalysynyń úılestirý ortalyǵy qurylǵanyn habarlady. Aýrýhanalarǵa kelgen gýmanıtarlyq júkterdi birge jetkizý boıynsha monıtorıng júrgizgenin, dári-dármektiń bar-joǵy anyqtaý úshin dárihanalarǵa tekserý júrgizilgenin, medısınalyq uıymdarǵa barý josparlanýda ekenin aıtty.
Depýtat Irına Smırnova qoǵamdyq toptar azamattardyń densaýlyǵyn qorǵaý isine baǵa jetpes úles qosyp, dárihanalardy dári-dármekpen qamtamasyz etýde úlken qadamdar jasap otyr dep esepteıtinin jetkizdi.
Qostanaı oblysy Densaýlyq saqtaý basqarmasynyń ókili Ksenııa Jylqybaeva juqpaly jáne provızıorlyq stasıonarlardyń medısına qyzmetkerleri qoǵamdyq baqylaý jumysynan qaýiptengenin de jetkizdi. Keıbir dárigerler "eriktilerdiń ıgi nıeti ınfeksııa órship turǵan qaýipti aýrýhanalarǵa baqylaýsyz saıahat jasaýǵa aınalmaýy tıis", - dep sanaıtynyn aıtty ol.
Qoǵamdyq baqylaýdyń negizgi mindeti aýrýhanalar men dárihanalardyń jumysyna kedergi jasaý emes, jaǵdaıǵa emosııasyz obektıvti baǵa berý. "Biz úshin keri baılanystyń bolǵany, BAQ-ta, áleýmettik jelilerde jaǵdaıdy jarııalaýóte mańyzdy. Bizdiń qyzmetimiz KVI shaldyqqan adamdardyń muń-muqtajyna baǵyttalǵan, olartolyq medısınalyq kómek alady", - dedi Nur-Sultan qalasy boıynsha qozǵalys belsendileriniń biri Vera Kım.
"Jaman indetke qarsy biz birge kúresýimiz kerek. Bizdiń mindetimiz - durys densaýlyq saqtaý júıesin qurý. Jergilikti jerler salǵyrttyq tanytpaýy tıis, sonymen birge dárigerlerdi qoldap, qamqorlyq kórsetýge mindettimiz. Pasıentterge keletin bolsaq, eger zańsyz jaǵdaılar bolsa nemese kómek kórsetý standarttaryna sáıkes kelmese, onyń sebepterin anyqtaý kerek. Dárigerler men pasıentterdiń ar-namysy men abyroıy qorǵalýy tıis", - dedi Densaýlyq saqtaý mınıstri. Eriktilerdyń jumysy týraly ol: "Eriktiler qaýipsizdik sharalary men sanıtarlyq normalardy saqtaýy qajet. Olardyń mindetti túrde qatań nusqamadan ótkeni jón. О́ıtkeni, ınfeksııany juqtyrý qaýpi úlken. Sondyqtan stasıonarlardyń qatań talaptaryn saqtaý óte mańyzdy", - dedi. Onyń aıtýynsha, eger zań buzylsa, shaǵymdar belgili bir normalardy saqtaı otyryp rásimdelýi qajet. "Zań buzýǵa bolmaıdy. Densaýlyq saqtaý mınıstrligi ony turaqty baqylaýda ustaıdy jáne qadaǵalaıdy", - dedi mınıstr.
