Nur-Sultan qalasy boıynsha Sybaılas jemqorlyqqa qarsy qyzmet "Nur-Sultan qalasy Qorǵaljyn tas jolynyń ońtústiginde ornalasqan turaǵy bar kóp páterli turǵyn úı kesheniniń qurylysy" nysanyn salý men paıdalanýǵa berý úshin bólingen 200 mln teńge kólemindegi bıýdjet qarajatyn jymqyrý faktisi boıynsha "Nur-Sultan qalasynyń Qurylys jáne turǵyn úı saıasaty basqarmasy" MM-niń burynǵy basshysyna jáne basqa tulǵalarǵa qatysty sotqa deıingi tergeýdi bastady.
Sybaılas jemqorlyqqa qarsy is-qımyl agenttigi kelesideı tergeý isterin bastady:
Pavlodar oblysy boıynsha jalpy somasy 2,6 mln teńge bolatyn merdigerdiń is júzinde oryndalmaǵan jumystardyń atqarylýy týraly jalǵan aktisine qol qoıý arqyly bıýdjet qarajatyn jymqyrý faktisi boıynsha oblys ákimdigi basqarmalarynyń biriniń basshysyna qatysty sotqa deıingi tergeý bastaldy.
***
Pavlodar oblysy boıynsha jalpy somasy 19 mln teńge bolatyn merdigerdiń is júzinde oryndalmaǵan jumystardyń atqarylýy týraly jalǵan aktisine qol qoıý arqyly bıýdjet qarajatyn jymqyrý faktisi boıynsha Pavlodar oblysy Pavlodar aýdany ákimdiginiń bólimderiniń biriniń basshysyna qatysty sotqa deıingi tergeýdi bastady.
***
Jalpy somasy 4,7 mln teńge bolatyn merdigerdiń is júzinde oryndalmaǵan jumystardyń atqarylýy týraly jalǵan aktisine qol qoıý arqyly bıýdjet qarajatyn jymqyrý faktisi boıynsha Ekibastuz qalasy ákimdigi bólimderiniń biriniń burynǵy basshysyna qatysty sotqa deıingi tergeýdi bastady.
***
Almaty oblysy Qapshaǵaı qalasynyń iri bıznes sýbektileriniń salyq jáne bıýdjetke qajetti tólemder tóleýden jaltarý úshin jaǵdaı jasaý maqsatynda jeke tulǵalarǵa jalǵan esepshottar beretin kommersııalyq uıymdardy tirkegen Qapshaǵaı qalasy boıynsha Memlekettik kirister basqarmasynyń salyqtyq baqylaý bóliminiń basshysyna qatysty sotqa deıingi tergeýdi bastady.
Ol 2017 jylǵy qarasha jáne 2020 jylǵy sáýir aılary aralyǵynda atalǵan tulǵalardan jalǵan mámileler somasynyń 5-7% kóleminde aqshalaı qarajat alyp otyrǵan, sonyń nátıjesinde memleketke 116,3 mln. teńge kóleminde salyq tólemeý túrinde materıaldyq shyǵyn kelgen.
***
Almaty oblysynyń "03825 áskerı bólimshesi" RMM komandıri men osy bólimsheniń bólim basshysyna qatysty sotqa deıingi tergeý bastady. Áskerı bólimsheniń komandıri kelisimshart boıynsha áskerı qyzmetshiden tártiptik jazany alyp tastaý úshin para alýda, bólim basshysy atalǵan fakt boıynsha para berýge deldal bolýda degen kúdikke ilindi.
***
Qyzylorda oblysy Polısııa departamentiniń Jeke qaýipsizdik basqarmasymen birlesip, Qyzylorda oblysy boıynsha Polısııa departamentiniń esirtki qylmystaryna qarsy is-qımyl basqarmasynyń bólim basshysyn sybaılas jemqorlyq qylmysyn jasaýda áshkereledi. Ol esirtki quraldaryn óndirý barysynda jalpy qamqorlyǵy úshin 500 myń teńge somasynda para alýda kúdikke ilindi.
***
Atyraý oblystyq Polısııa departamentimen birlesip atalǵan óńirdegi Polısııa departamentiniń balyq qoryna qylmystyq qol suǵýshylyqqa qarsy kúres bóliminiń basshysyn áshkereledi. Ol chastık tuqymdas balyqtardy aýlaýmen jáne satýmen aınalysatyn JShS basshysynan kásipkerlik qyzmetti kedergisiz júzege asyrý jáne jalpy qamqorlyǵy úshin 1,5 mln, teńge kóleminde para alýda kúdikke ilindi.
Qazirgi tańda sotqa deıingi tergeý jeteldetilgen tártipte aıaqtaldy (QPK 190-babyna sáıkes) jáne atalǵan laýazymdy tulǵa sotqa berildi.
***
Jambyl oblysynyń densaýlyq saqtaý basqarmasynyń "Jýaly aýdanynyń ortalyq aýdandyq aýrýhanasy" ShJQ MQK laýazymdy tulǵalaryna qatysty medqyzmetkerlerdiń shaǵymdary boıynsha sotqa deıingi tergeý bastaldy. Tergeý COVID-19 koronavırýs ınfeksııasynyń pandemııasy jaǵdaıynda epıdemııaǵa qarsy sharalar úshin osyǵan deıin eńbekaqyǵa aýdarylǵan qosymsha ústemaqydan aqsha qarajatyn ıemdený faktisi boıynsha júrgizilýde.
***
Túrkistan oblysy, Jetisaı aýdanynyń Muratbaev atyndaǵy gýmanıtarlyq-tehnıkalyq kolledjiniń baǵdarlamalaý bóliminiń meńgerýshisine qatysty sotqa deıingi tergeý bastady. Ol azamattardyń "grant" memlekettik baǵdarlamasy boıynsha kolledjge tegin oqýǵa kedergisiz túsýi úshin 400 myń teńge somasynda qarajatty alaıaqtyq jolmen ıemdenýde kúdikke ilindi.
***
О́zin 2019 jyldan bastap 2020 jylǵa deıingi aralyqta Sybaılas jemqorlyqqa qarsy qyzmettiń qyzmetkeri retinde tanystyryp, respýblıka aýmaǵynda birqatar alaıaqtyq áreketter jasaǵan azamat "A"-ǵa qatysty sotqa deıingi tergeý bastaldy. Ol memlekettik basqarý salasyndaǵy máselelerdi oń sheshý úshin azamattardyń 80 mln teńge somasyndaǵy qarajatyn aldaý arqyly ıemdenýde kúdikke ilindi.
Joǵaryda atalǵandarǵa QPK 201-babyna sáıkes tergeý múddesi úshin ózge aqparat jarııalaýǵa jatpaıdy.
