Koronavırýs • 20 Shilde, 2020

MÁSQ koronavırýspen kúreske 8,6 mlrd teńge jumsaǵan

69 ret kórsetildi

Medısınalyq saqtandyrý qory COVID-19 jáne pnevmonııaǵa shaldyqqan naýqastar úshin 842 myń tósek-oryndy qarjylandyrdy. Bul jóninde qordyń baspasóz qyzmeti málimdegen, - dep habarlaıdy Egemen.kz QazAqparatqa silteme jasap. 

Áleýmettik medısınalyq saqtandyrý qory koronavırýs pen pnevmonııaǵa shaldyqqan naýqastardy emdeý úshin naýryz-maýsym aralyǵynda elimizdiń stasıonarlaryna 842 myń tósek-kúnge 8,6 mlrd teńge tóledi.

Aıta ketý kerek, naýryz aıymen salystyrǵanda maýsymda tósek-kúnniń jalpy sany - 8 esege, juqpaly aýrýlarǵa – 26 esege artty. Osy kezeńde karantın stasıonarlaryna 327 myń tósek-kún, juqpaly aýrýlar úshin 270 myń tósek-kúnge qarjy tólendi. Maýsym aıynda naýryz aıymen salystyrǵanda provızııalyq stasıonarlarda tósek-kún sany aıtarlyqtaı ósti: naýryz aıynda 21 myńnan maýsym aıynda 100 myń tósek-kúnge deıin. Tósek-kúnge pasıenttiń stasıonarda orny, aýrýdyń dıagnostıkasy men emi kiredi. Qazir densaýlyq saqtaý júıesinde tósek qoryn ulǵaıtý qajet. Qazaqstandyqtarǵa medısınalyq kómek kórsetý sapasyn jaqsartý úshin Qor shilde aıynda medısınalyq uıymdarǵa tarıfti kóterdi . Endi qor provızorlyq stasıonarǵa 1 tósek-kún úshin 21,9 myńnan astam teńge tóleıdi; táýlik boıy stasıonarǵa – 32,2 myńnan astam teńge; naýqasty anestezıologııa, reanımasııa jáne qarqyndy terapııa bólimshesinde emdeý úshin – 1 tósek-kún úshin 70 myń teńgege jýyq qarajat bóledi.

Medısınalyq saqtandyrý qorynda atalǵan qyzmetterge tarıftiń artýy qor jetkizýshileriniń sanyn kóbeıtýge, koronavırýs pen pnevmonııaǵa shaldyqqan naýqastardy emdeýge jeke aýrýhanalardy belsendi tartýǵa jáne stasıonarlardaǵy medısınalyq kómektiń sapasyn yntalandyrýǵa múmkindik beredi. Áleýmettik medısınalyq saqtandyrý qory 304 ınfeksııalyq/provızorlyq stasıonarmen oryndaý/birlesip oryndaý sharttaryn jasasty.Osy jyldyń 30 maýsymynan tósek sany 28 796-dan 47 455-ke deıin artty, 18 659 tósek (64,7%) qosyldy. Tósek qorynyń 70% bos emes.

Covid-19 indetin emdeýge tartylǵan stasıonarlardaǵy oryndarǵa kún saıyn monıtorıng júrgiziledi. Bul kórsetkish jergilikti atqarýshy organdardyń jumysynyń ındıkatory bolyp tabylady. О́ńirdegi kereýet qorynyń 70 paıyzy bos emes, rezervten qosymsha kereýet ashý boıynsha sharalar qabyldanýda.

Sonymen qatar, №10 klınıkalyq hattamaǵa, 2020 jylǵy 4 shildedegi №104 basylymǵa sáıkes, aýrýdyń asımptomatıkalyq jáne jeńil túri bar naýqastardy turǵylyqty jeri boıynsha aýmaqtyq emhanalardyń ýchaskelik dárigerleri baqylaıdy. Stasıonarlyq emge Covid-19 shaldyqqan ortasha aýyr jáne aýyr jaǵdaıdaǵy pasıentter ǵana jatqyzylady.

Sondaı-aq, ambýlatorııalyq deńgeıde medısınalyq kómekke qol jetkizý maqsatynda emhanalar janynda mobıldi brıgadalar quryldy, olar úıde medısınalyq qyzmetter keshenin kórsetedi. 

 

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar