О́ndiristi paıdalanýǵa berý jolyndaǵy taǵy bir qadam QR Ekologııa, geologııa jáne tabıǵı resýrstar mınıstrliginiń 2020-2029 jyldarǵa arnalǵan qorshaǵan ortaǵa emıssııalarǵa ruqsatyn alý boldy. Ruqsat sharttaryna sáıkes kompanııa ózine Qazaqstan Respýblıkasynyń Ekologııalyq zańnamasynyń; Ruqsattyń qoldanylý kezeńine arnalǵan emıssııalardyń, tabıǵat qorǵaý is-sharalarynyń normatıvti talaptaryn saqtaý jónindegi mindettemelerdi alady.
Esterińizge sala keteıik, jańa fabrıkanyń óndiristik qýaty jylyna 2 500 000 tonna ken quraıdy. "Dolınnoe" AО́F paıdalanýǵa berilýimen "Altynalmas AK" AQ Aqtoǵaı óndiristik alańynyń ken óńdeý boıynsha jalpy qýaty jylyna 5 200 000 tonnaǵa deıin, al taý-ken massasyn óndirý boıynsha jylyna 50,000,000 tonnaǵa deıin artady.
CIP tehnologııasy boıynsha "Dolınnoe" AО́F iske qosý-retteý jumystary aǵymdaǵy jyldyń 22 mamyrynda bastalǵan. Qazirgi ýaqytta óndiristi apatsyz jáne qaýipsiz iske qosý, sondaı-aq óndiristi jobalyq kórsetkishterge shyǵarý jumystary sátti aıaqtaldy, maýsym aıynyń basynda AО́F-te salmaǵy 5,3 kg bolatyn birinshi quıma altyn shyǵaryldy.
"Dolınnoe" AО́F "Altynalmas AK" AQ-nyń sońǵy 10 jylda salynǵan jáne iske qosylǵan "Aqbaqaı" altyn óndiretin fabrıkasy, "Pýstynnoe" baıytý fabrıkasy jáne "Altynalmas Technology" baǵaly metaldardy shyǵarý zaýytymen qatar tórtinshi fabrıka boldy.
"Altynalmas AK" AQ tolyq geologııalyq, taý-ken óndirý jáne altyn óńdeý sıkliniń kompanııasy. Kompanııa qyzmetiniń negizgi baǵyttary quramynda altyn bar kendi óndirý jáne óńdeý; geologııalyq barlaý jumystary; jobalaý jáne qurylys-montajdaý jumystary; ǵylymı-zertteý, jobalaý jáne izdestirý jumystaryn qarjylandyrý; baǵaly metaldardy barlaý, óndirý jáne qaıta óńdeý jónindegi óndiristerdi salý jáne rekonstrýksııalaý bolyp tabylady. Kompanııanyń aktıvteri Qazaqstannyń 4 aımaǵynda: Jambyl, Qaraǵandy, Shyǵys Qazaqstan jáne Aqmola oblystarynda shoǵyrlanǵan.
