Al, 27 665 qyzylordalyqqa avtomatty túrde SMS joldanyp, tabysynan aıyrylǵandyǵyn rastaý jumystary júrgizildi.
14 807 azamat TelegramBot qosymshasy men 42500.enbek.kz vebsaıty arqyly ótinim joldady.
Qazirgi tańda qıyn jaǵdaıǵa tap kelip, kirisinen aıyrylǵan óz-ózin jumyspen qamtýshylarǵa, jeke kásipkerlikpen shuǵyldanýshylarǵa memleket tarapynan 42 500 teńge bólinýde. Osy rette, "Azamattarǵa arnalǵan úkimet" memlekettik korporasııasynyń áleýmettik sala mamandary demalys kúnderge qaramaı eńbek etip, tabysynan aıyrylǵandarǵa tólemaqynyń ýaqytyly tólenýine jumys jasaýda.
Aıta keteıik, bul tek 19 shildedegi saǵat 17:00-degi aqparat. Negizi ótinimder bazaǵa kúndelikti kelip túsýde. Buǵan deıin 42500 teńge alǵan azamattarǵa 1414 arqyly SMS habarlamasy joldanýda. Eger oǵan durys jaýap berseńiz, ótinim joldamaı tıisti tólemaqy taǵaıyndalatyn bolady.
Eskerte ketetin jaǵdaı, eger jeke kásipkerlikte jumys istep, aqysyz eńbek demalysyna jiberilseńiz onda ótinimdi jumys berýshi joldaýy qajet. Áleýmettik tólem alýǵa ótinimdi eGov elektrondy úkimet portaly men 42500.enbek.kz vebsaıty jáne Telegram-bot, kaspi.kz mobıldi qosymshalary arqyly onlaın túrde joldaýǵa bolady.
