"Endi 2021 jyldan bastap aýdandyq jáne qalalyq bilim berý bólimderin qarjylandyrý jáne basqarý quzyreti oblystyq bilim berý basqarmalaryna beriledi", dep jazdy mınıstr Facebook-te.
Sondaı-aq Ashat Aımaǵambetov aýdandyq bilim bólimderi, oblystyq, qalalyq bilim basqarmalary basshylaryn taǵaıyndaý jáne jumystan bosatý erejelerin ózgertý kerektigin aıtty.
"Bilim bólimderi men basqarmalarynyń basshysy qyzmetine bilim salasynda tájirıbesi bar jáne quzyreti jetkilikti adamdar taǵaıyndalatyndaı etýimiz kerek. Sońǵy jyldary bul laýazymdarǵa bilim salasyna qatysy joq adamdardy taǵaıyndaý faktileri jıi kezdesti, oǵan jol bermeýimiz kerek", dedi ol.
Osy oraıda qalalyq bilim basqarmalary men aýdandyq bilim bólimderiniń basshylyǵyna tájirıbeli mamandardy tartý, dırektorlardy taǵaıyndaý júıesin ózgertý, olardy attestattaý jáne rotasııalaý ınstıtýtyn engizý jumystary júrgizilmek.
