Qazaqstan • 21 Shilde, 2020

Koronavırýs juqtyrǵan jaǵdaıda rentgenge qashan túsken durys?

1770 ret kórsetildi

Koronavırýs aýrýy qalaı asqynady jáne onyń qandaı kezeńderi bar? Rentgen jáne kompıýterlik tomografııany qashan jasaǵan durys? Osy jáne basqa da suraqtarǵa Nur-Sultan qalalyq ftızıopýlmologııa ortalyǵynyń dırektory Anna Sepke tikeleı efırde jaýap berdi. Dárigerdiń aıtýynsha, juqpaly aýrýdyń tórt kezeńi bar. Bul týraly qala ákimdiginiń resmı saıty habarlady, - dep jazady Egemen.kz

"Birinshi – ınkýbasııalyq kezeń. Iаǵnı aýrý tasymaldaýshy adammen baılanysqan sátten bastap, 2-14 kún aralyǵynda ýaqyt ótken soń, alǵashqy belgiler baıqalady. Eger tasymaldaýshymen baılanysta bolsańyz, óz-ózińizdi oqshaýlaý kerek ekeni belgili. Osy ýaqytta qandaı tekseristen ótý qajet? Shyn máninde, eshteńe qajet emes. О́ıtkeni odan esh dıagnostıkalyq paıda joq. Tek ózińizdiń jaǵdaıyńyzdy baqylaýda ustaý qajet", – dep túsindirdi A.Sepke.

KVI-diń ekinshi kezeńi tumaýǵa uqsas. Sodan keıin dene qyzýy, álsizdik, bulshyqet, tamaq aýrýy, ıis pen dám joǵalýy múmkin. Júrek aınýy men qusý da baıqalady.

"Rentgen jáne kompıýterlik tomografııa jasaý kerek pe? Bul da qajet emes, óıtkeni kóptegen jaǵdaıda KT-dan eshteńe kórinbeıdi. Naýqas bul zertteýdi jasap, bári qalypty dep oılaýy múmkin. Alaıda aýrý endi bastalǵan. Sondyqtan mundaı zertteýler júrgizýdiń qajeti joq", – deıdi dáriger.

Odan ári COVID-19-dyń úshinshi kezeńi bastalady. Mamandar ony "qyzǵan kezeń" dep ataıdy.

"Sımptomdar erekshe aıqyn bolady. Entigý, jótel, 38-den joǵary dene qyzýy baıqalady. Bul aýrýhanaǵa jatqyzý qajet kezeń. Munda barlyq zertteýler túsinikti bolady", – deıdi Sepke.

Sońǵy, tórtinshi kezeń – rekonvalessensııa. "Iаǵnı aýrýdan aıyǵyp, saýyǵý kezeńi. Bul kezeń uzaq ýaqytqa sozylady. 14 kúnnen 3-6 aıǵa deıin aǵza qalpyna keledi", – dep túsindiredi qalalyq ftızıopýlmanologııa ortalyǵynyń dırektory.

Sondaı-aq A.Sepke árbir adamda aýrý ártúrli ótetinin jáne kez kelgen kezeńde aıaqtalýy múmkin ekenin atap ótti. Nur-Sultan qalasy ákimdiginiń resmı ınstagram paraqshasynan Covid-19 ınfeksııasynyń formalary týraly basqa da suraqtarǵa mamannyń bergen jaýabyn kórýge bolady.

Sońǵy jańalyqtar

Uqsas jańalyqtar