Bul rette ótinish berýshiler úshin "Azamattarǵa arnalǵan úkimet" memlekettik korporasııasy arqyly qujattardy qaǵaz túrinde berý múmkindigi saqtalǵan: qaraý merzimi 11 jumys kúnge deıin. Budan basqa, endi ınvestorlyq vızany alýǵa ótinishti jeke tulǵa da bere alady.
Investorlyq vızalaryn Qazaqstan Respýblıkasynyń aýmaǵynda ınvestısııalyq qyzmetti júzege asyratyn jeke jáne zańdy tulǵalar, sondaı-aq olardyń otbasy músheleri ala alady. Vızanyń bul kategorııasynda onyń qoldanylý merzimi sheńberinde elde bolý merzimi boıynsha shekteýler joq. Iskerlik vızanyń ıesi Qazaqstanda árbir kirý kezinde 60 táýlikten artyq bolmaýy múmkin.
Esterińizge sala keteıik, A-5 sanatyndaǵy ınvestorlyq vızany alý rásimi 3 memlekettik qyzmetti qamtıdy: QR Syrtqy ister mınıstrligi Investısııalar komıtetiniń ınvestorlyq vızany alýǵa qoldaýhaty, QR Ishki ister mınıstrliginde shaqyrýdy resimdeý jáne Qazaqstannyń shet elderdegi mekemelerinde ınvestorlyq vızany usyný.
"Koronavırýstyq ınfeksııanyń taralý jaǵdaıynda, biz jahandyq ekonomıka men jalpy bızneske teris áserin kórip, iskerlik belsendiliktiń tómendeýin baıqap otyrmyz. Biz úshin bul úı jumysyn jasaý jáne prosesterdi ońtaılandyrý ýaqyty. Jaqynda ınvestısııalyq kelisim-shartty jasasý memlekettik qyzmeti onlaın formatyna aýystyryldy, vızalyq-kóshi-qon qyzmetterin jeńildetip, avtomattandyrdyq", - dep atap ótti QR Syrtqy ister mınıstriniń orynbasary Almas Aıdarov.
Karantındik shekteýler kezeńinde 2020 jylǵy 11 mamyrdan bastap vedomstvoaralyq komıssııanyń (VAK) otyrysynda qabyldanǵan QR Memlekettik shekarasynan ótý tártibi qoldanylady. Oǵan sáıkes árbir jeke jaǵdaı úshin Qazaqstanǵa kelýine vedomstvoaralyq komıssııanyń sheshimimen ruqsat etiledi. Sheteldik azamattar Qazaqstan Respýblıkasynyń aýmaǵyna karantındik sharalardy saqtaı otyryp kire alady.
