Búgin brıfıngte Nur-Sultan qalalyq jumyspen qamtý jáne áleýmettik qorǵaý basqarmasy bastyǵynyń orynbasary Baqtııar Garıfýllın tótenshe jaǵdaı kezeńine birjolǵy tólem jasaý tártibin túsindirdi.
"Bir rettik tólem qyzmetkerlerge, azamattyq-quqyqtyq kelisim-shart boıynsha jumys isteıtin jeke kásipkerlerge, jeke praktıkamen aınalysatyn tulǵalarǵa, biryńǵaı jıyntyq tólem tóleýshilerge bir mınımaldy jalaqy – 42 500 teńge mólsherinde belgilenedi jáne 2020 jyldyń shildesinde qalada bas sanıtarlyq dáriger belgilegen shekteý sharalarynyń engizilýine baılanysty tolyq kirisinen aırylǵandarǵa bir ret qana tólenedi", dedi B.Garıfýllın.
Onyń aıtýynsha, ekinshi deńgeıli bankterdiń qyzmetkerlerin, bank operasııalarynyń jekelegen túrlerin júzege asyratyn uıymdardyń qyzmetkerlerin jáne olarmen affılıırlengen zańdy tulǵalardy, memlekettik zańdy tulǵalardy (sharýashylyq júrgizý quqyǵyndaǵy memlekettik kásiporyndardyń qyzmetkerlerin qospaǵanda), sondaı-aq aksııalarynyń jáne jarǵylyq kapıtalyndaǵy qatysý úlesteriniń júz paıyzy memleketke tıesili zańdy tulǵalardy qospaǵanda, aqysyz eńbek demalysynda júrgen qyzmetkerlerge áleýmettik tólemder tólenedi.
Bir rettik tólemdi alý krıterııleri belgilendi: jumys berýshiniń, jeke kásipkerdiń jáne jeke praktıkamen aınalysatyn tulǵanyń qyzmeti – qatań shekteýli karantın sharalaryn engizýge baılanysty qyzmetti shekteý (toqtata turý); zańdy tulǵalarǵa qyzmet kórsetetin, azamattyq-quqyqtyq kelisim-sharttar boıynsha jumys isteıtinder úshin – zańdy tulǵalardyń (zańdy tulǵanyń) qyzmetin shekteý (toqtata turý) jáne qatań shekteýli karantın sharalarynyń engizilýine baılanysty qyzmetterdi usynýdyń múmkin emestigi; jeke tulǵalarǵa qyzmet kórsetetin, azamattyq-quqyqtyq kelisim-sharttar boıynsha jumys isteıtinder úshin – ústimizdegi jyldyń birinshi jartyjyldyǵynda mindetti zeınetaqy jarnalarynyń bolýy; BJT tóleýshileri úshin (biryńǵaı jıyntyq tólemdi tóleýshiler) – ústimizdegi jyldyń birinshi jartyjyldyǵynda áleýmettik saqtandyrý jarnalaryn tóleýi.
"Bir rettik tólem shekteý sharalaryn engizý nátıjesinde kirisin tolyqtaı joǵaltý faktisi joq adamdarǵa taǵaıyndalmaıdy, onyń ishinde: eger jumys berýshiniń, jeke kásipkerdiń, jeke kásipkerdiń nemese azamattyq-quqyqtyq kelisim-sharttar jasalǵan zańdy tulǵanyń qyzmeti shekteý sharalaryn qoldanýmen shektelmese; jalaqysy saqtalmaıtyn eńbek demalysyn qospaǵanda, jyl saıynǵy aqyly eńbek nemese áleýmettik demalysta júrgen adamdar; eńbek zańnamasyna sáıkes jumys ýaqytynyń azaıýyna baılanysty jumystan bosatylǵan; ústimizdegi jyldyń birinshi jartyjyldyǵynda BJT tóleý faktisi joq BJT tóleýshilerine; ústimizdegi jyldyń birinshi jartyjyldyǵynda mindetti zeınetaqy jarnalary túspegen azamattyq-quqyqtyq kelisimsharttar boıynsha jumystardy oryndaýdan (qyzmetter kórsetýden) kiris alatyn jeke tulǵalar.
Sondaı-aq zeınetaqy tólemderin, memlekettik járdemaqylardy, ataýly áleýmettik kómek alýshylarǵa, qordan tólenetin áleýmettik tólemderdi alýshylarǵa, jumyspen qamtýǵa járdemdesý sharalarymen qamtylǵan adamdarǵa jáne birinshi ret shekteý sharalary kezeńinde BJT tólegen "Halyqty jumyspen qamtý týraly" zańǵa sáıkes jumys kúshine kirmeıtin adamdarǵa; qylmystyq-atqarý júıesi mekemelerinde memleket tarapynan tolyq qoldaý kórsetiletin adamdarǵa; sondaı-aq bir rettik tólem alýshynyń joǵalǵan kirisi qalpyna keltirilgen jaǵdaıda", dedi B.Garıfýllın.
О́tinimdi kelesi arnalar arqyly berýge bolady: "Elektrondy úkimettiń" veb-portaly – egov.kz; 42500.enbek.kz portaly; telegram bottary; 42500.enbek.kz Aitu messendjerindegi qosymshasy; ekinshi deńgeıli bankterdiń mobıldi qosymshalary men ınternet-resýrstary. 2020 jyldyń naýryzynan bastap halyqty jumyspen qamtý máseleleriniń qalalyq shtaby jumys isteıdi. Shtab jumysynyń aıryqsha quzireti – Nur-Sultan qalasy boıynsha bas memlekettik sanıtarlyq dárigerdiń buıryǵyna sáıkes qyzmetin shekteýdiń senimdiligi negizinde qyzmetkerge atalǵan áleýmettik qoldaý kórsetý týraly alqaly qorytyndy jasaý.
Sonymen birge ótinish berýshige jalǵan aqparat pen jalǵan (jasandy) qujattardy usynǵany úshin jaýapkershilik týraly eskertildi. Áleýmettik kómek taǵaıyndaý jáne tóleý mehanızmi kelesideı. О́tinishter qalalyq shtabtyń qaraýyna beriledi: jumyskerleri bar tulǵalar úshin – jumys berýshi mynalardy kórsete otyryp, ótinim beredi – elektrondy poshta mekenjaıyn, telefon nómirlerin, JSN kórsete otyryp qyzmetkerlerdiń tizimin, olardyń jalaqysy saqtalmaıtyn demalysta bolý týraly málimetterin (demalystyń bastalý jáne aıaqtalý kúnin), qyzmetkerdiń uıaly telefon nómiri, qyzmetkerdiń, jeke kásipkerdiń banktik derektemeleri – ótinim bank shoty, telefon nómiri týraly aqparatty kórsete otyryp, derbes beriledi.
Memlekettik korporasııaǵa ótinimder: BJT, azamattyq-quqyqtyq kelisim-sharttar boıynsha jumys isteıtin adamdar úshin – ótinish jeke/zańdy tulǵamen jasalǵan jumystardy (qyzmetterdi kórsetýdi) oryndaýǵa arnalǵan azamattyq-quqyqtyq kelisim-sharttarynyń nómiri men kúnin kórsete otyryp, banktik shoty týraly aqparatty usynady. Qalalyq shtab tirkelgen kúninen bastap eki jumys kúni ishinde jumys berýshiniń onyń qyzmetine shekteýlerdiń negizdiligi týraly ótinishterin qaraıdy jáne qorytyndy shyǵarady, sodan keıin qujattardy Memlekettik korporasııaǵa beredi.
Memlekettik korporasııa bir jumys kúni ishinde ár qyzmetker úshin jeke istiń elektrondy úlgisin qalyptastyrady jáne ony Memlekettik áleýmettik saqtandyrý qorynyń fılıalyna jiberedi. Memlekettik áleýmettik saqtandyrý qory eki jumys kúni ishinde áleýmettik tólemderdi taǵaıyndaý nemese taǵaıyndaýdan bas tartý týraly sheshim qabyldaıdy. Shildeniń 17-si men 20-sy aralyǵynda elordaǵa shilde aıyna 42 500 teńge mólsherinde bir rettik áleýmettik tólemdi tóleýge 13 414 ótinish kelip tústi. Sondaı-aq, 52 708 ótinish proaktıvti formatta qabyldandy, olar tólemder úshin Memlekettik korporasııaǵa berildi. Baılanys ortalyǵynyń nómirleri: 55-14-74, 55-14-87, 55-67-12.
