Aımaqtar • 22 Shilde, 2020

Aýǵanstandyq túlekter QarMTÝ-dyń dıplomyn aldy

21 ret kórsetildi

Kezinde Elbasy joǵary bilim alǵan Qaraǵandy memlekettik tehnıkalyq ýnıversıtetin Aýǵanstannan kelip oqyǵan 13 azamat támamdap, qoldaryna kúrekteı dıplom aldy, – dep habarlaıdy Egemen.kz atalǵan JOO-nyń baspasóz ortalyǵyna silteme jasap.

Úkimetaralyq kelisimniń arqasynda bilim alýǵa qol jetkizgen túlekter "Esepteý tehnıkasy jáne baǵdarlamalyq qamtamasyz etý", "Informatıka"  jáne "Qurylys" bilim berý baǵdarlamalary boıynsha bolashaq mamandyqtarynyń qyr-syryn ıgerdi. Sonymen birge, olardyń atalǵan oqý ornynyń qoǵamdyq jáne shyǵarmashylyq ómirine belsene qatysqanyn da aıta ketken jón.

Aýǵanstandyq jastar IT-tehnologııalar, zamanaýı azamattyq keshender men ǵımarattar qurylysy boıynsha taqyryptarǵa arnalǵan dıplomdyq jobalardy sátti qorǵady. Olardyń ishindegi birneshe túlek QarMTÝ-dyń magıstratýrasynda, sondaı-aq Kanada men Túrkııanyń joǵary oqý oryndarynda ári qaraı bilim alýdy josparlap otyr.

Aıta ketý kerek, QarMTÝ-da sheteldik stýdentter úshin barlyq jaǵdaı jasalǵan. Olar 2014 jyly prezıdenttik "Stýdenttik baspana" baǵdarlamasy boıynsha salynǵan "Armandastar Ordasy" turǵyn úı kesheninde turdy. Munda oqý úshin mýltımedııalyq kompıýterlik synyptar, konferens-zal jabdyqtalǵan. Fızıokabınet pen ashana jáne densaýlyq pýnkti bar.

Ýnıversıtettiń halyqaralyq yntymaqtastyq ortalyǵy men dekanattar sheteldik stýdentterge qajetti kómek kórsetti. Kóshi-qon jáne jergilikti polısııa qyzmetteriniń ókilderimen, dintanýshylarmen, Aýǵanstan Islam Respýblıkasy elshiliginiń qyzmetkerlerimen kezdesýler uıymdastyrylyp otyrdy.

Eske salsaq, bıylǵy túlekter – Aýǵanstannan kelip bilim alyp jatqan stýdent jastar arasyndaǵy alǵashqy qarlyǵashtar.

 

 

Qaraǵandy oblysy

 

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar