Qazaqstan • 22 Shilde, 2020

Maıdanger ári jazýshy Leonıd Iýzefovıch Gırsh dúnıeden ótti

45 ret kórsetildi

Qazaqstan Respýblıkasy Qorǵanys mınıstrliginiń basshylyǵy men áskerı qyzmetshileri maıdanger, jazýshy, aqyn, Uly Otan soǵysy týraly kóptegen eńbek týyndylarynyń avtory, qoǵam qaıratkeri Leonıd Iýzefovıch Gırshtiń otbasy men týystaryna qaıǵyryp kóńil aıtady, dep habarlady mınıstrliktiń baspasóz qyzmeti.

Ol elimizdiń qorǵanys qabileti men ulttyq qaýipsizdigin nyǵaıtýǵa ólsheýsiz úles qosqan, aty ańyzǵa aınalǵan jeńimpazdar urpaqtarynan edi.

17 jasynan bastap maıdanǵa óz erkimen suranyp barǵan. Ony tek úshinshi ret suranǵanynda ǵana, jasy kelgende jáne nemister qalaǵa jaqyndaǵan kezde ǵana qabyldady. Leonıd Gırsh Ońtústik-Batys maıdannyń 31-shi dıvızııasynyń 177-shi atqyshtar polkiniń jaýyngerler qatarynda boldy.

Ýkraınadaǵy sheginý kezinde, soǵystyń eń basynda Leonıd Iýzefovıch aıaǵynan jaraqat aldy. Novosıbırsk gospıtalinde emdelip shyqqannan keıin ol taǵy da maıdanǵa attandy.

Stalıngradta ol avtomatshylardyń jeke rotasyndaǵy vzvod komandıriniń kómekshisi bolyp taǵaıyndaldy. Komandır qaıtys bolǵannan keıin, vzvodty basshylyq etýdi 19 jasar Leonıd  óz qolyna aldy. Pımen-Chernı aýylynyń mańynda bolǵan shaıqas úshin ol óziniń alǵashqy Qyzyl Juldyz ordenin aldy.

Leonıd Iýzefovıch Gırsh Stalıngrad pen Kýrsk buǵasyndaǵy shaıqastarǵa qatysyp, Ýkraına, Polsha, Chehoslovakııany azat etip, Berlınge shabýyl jasap, reıhstagta óz qoltańbasyn qaldyrdy.

Soǵystan keıin ol óz ómirin áskerı qyzmetpen baılanystyrýdy uıǵardy jáne jarty ǵasyrǵa jýyq ýaqyt boıy áskerı qyzmettiń túrli laýazymdaryn  atqardy. Eń basty atqarǵan laýazymdary Almaty qalasy men Almaty oblysy Azamattyq qorǵanys shtabynyń bastyǵy boldy. Keńes Odaǵynyń Batyry, polkovnık Saǵadat Qojahmetuly Nurmaǵambetovtyń sheshimimen Almaty oblysy Azamattyq qorǵanys shtaby bastyǵynyń orynbasary qyzmetine taǵaıyndaldy.

Otstavkada polkovnık ómiriniń sońǵy kúnderge deıin óz tájirıbesimen Qazaqstannyń jastarymen jáne áskerı qyzmetkerlerimen bólisti. Ol ekologııalyq komıssııany basqardy, Qazaqstan halqy Assambleıasyna saılandy, túrli qoǵamdyq uıymdarda belsendi jumys istedi, qala men oblystyń tótenshe jaǵdaılar departamenti bastyǵynyń shtattan tys keńesshisi boldy.

Sońǵy jańalyqtar

Uqsas jańalyqtar