Saqshylar kólikti zańsyz qaıta jabdyqtaýdy, manevr jasaý erejeleri men tynyshtyqty buzýdy ǵana emes, jol qozǵalysy qatysýshylarynyń qaýipsizdigi men qoǵamdyq tártipti baqylaýǵa aldy.
Buǵan qyzyljarlyqtar men jaqyn mańdaǵy eldi mekenderdiń turǵyndarynan motosıklshilerdiń shýyna qatysty polısııaǵa túsirgen shaǵymdary edi. Sondyqtan patrýldik polıseıler motoqumarlarǵa baılanysty reıdterdi kúsheıtti. Tek shilde aıynyń basynan qalalyq patrýldik polısııa batalonynyń qyzmetkerleri túrli quqyq buzýshylyqtar jasaǵany úshin – 23, onyń ishinde keshki jáne túngi ýaqytta tynyshtyqty buzǵany úshin 7 júrgizýshini jaýapkershilikke tartty. "Búgingi tańda Jambyl kóshesinde túngi saǵat 22.00-den tańǵy 7-ge deıin júrýge tyıym salatyn 22 jol belgisi ornatyldy. Áleýmettik jeliler arqyly kelip túsken shaǵymdar qaralyp, patrýldik polısııa Petropavl qalasynda jáne Qyzyljar aýdanynyń ortalyǵy Beskól aýyly mańynda reıdtik sharalardy kúsheıtti. Anyqtalatyn buzýshylyqtardyń basym bóligi – júrgizýshi kýálikteriniń bolmaýy men tehnıkalyq baıqaýdan ótpegen kólikti basqarý", - deıdi SQO PD Jergilikti polısııa qyzmeti basqarmasy bastyǵynyń orynbasary polısııa podpolkovnıgi Grıgorıı Tysh.
Oblys ortalyǵynda bir kásibı motoklýb pen bir moto qaýymdastyq tirkelgen. Tártip saqshylary motosúıer qaýymnyń ókilderimen únemi kezdesýler ótkizip turady. Tynyshtyqty buzatyndar – negizinen klýbqa múshe emes jas motosıklshiler eken. Qoǵamnyń dál osy sanaty polısııa reıdteri barysynda erekshe baqylaýǵa alynbaq.
Jalpy, alǵanda jyl basynan beri oblys joldarynda 80 jol-kólik oqıǵasy tirkelgen. Olardyń saldarynan 12 adam kóz jumyp, 108-i jaraqat alǵan. Jol júrisi qaǵıdalarynyń túrli sıpattaǵy 20 895 buzýshylyǵy anyqtalǵan.
Soltústik Qazaqstan oblysy
