Bulardan bólek, sporttyń 11 túrinen taǵy 17 saıypqyranymyz kún shyǵys eline barý úshin joldamaǵa talasady eken. Bul týraly dene shynyqtyrý jáne sport basqarmasy basshysynyń mindetin atqarýshy Oleg Pochıvalov aqparattyq-kommýnıkasııalyq ortalyǵynda ótken brıfıngte aıtty.
"2021 jylǵy HHHII-Jazǵy Olımpıada oıyndaryna daıyndyq jumystary júrgizilip jatyr. Juqpaly indettiń órshýine baılanysty búginde sport túrinen halyqaralyq týrnırler, irikteý básekeleriniń bári ýaqytsha toqtatyldy. Degenmen, sportshylar jattyǵýdy úzgen joq. Al sportshylardyń densaýlyǵy barynsha qadaǵalaýǵa alynǵan", - dedi ol.
Olımpıada oıyndaryna joldamaǵa úmitker sportshylar - Baıdarka jáne kanoe esýden Emelıanov Sergeı, Emelıanov Tımofeı, Podoınıkova Irına. Al, bokstan Shekerbekova Jaına, taekvondodan Dúısebaı Smaıyl, batýtta sekirýden Alıev Pırmammad, jeńil atletıkadan Koblov Dmıtrıı, dzıýdodan Galbadrah Otgonseseg, karateden Berýlseva Sofıa men Iýldashev Danııar. Sonymen qatar, velosport boıynsha Vorjev Pavel, kórkem gımnastıkadan Adılhanova Alına bolsa, oq atýdan Korol Elızaveta men stend atýdan Panarına Olga, Mýhamedıev Vladıslav, Kravchenko Zoıa, Dmıtrıenko Marııa.
Esterińizge sala keteıik, XXXII jazǵy Olımpıada oıyndary Tokıoda 2020 jyldyń 24 shildesi men 9 tamyzy arasynda ótýi tıis bolatyn. Alaıda, álemdi jaýlaǵan koronavırýs pandemııasyna baılanysty, jazǵy Olımpıada oıyndary 2021 jyldyń 23 shildesi men 8 tamyz aralyǵynda ótedi dep belgilenip, keıinge shegerildi.
