– Dári-dármek tapshylyǵyn sheshý úshin ákimdik tarapynan 5 mlrd teńge bólindi. Sonymen qatar koronavırýspen emdeý stasıonarlaryn dárilik preparattarmen qamtamasyz etý úshin rezervtik qordy qalyptastyrýǵa taǵy 5 mlrd teńge bólindi, – deıdi qala basshysy.
Almaty shaharynda dári-dármekterdiń jartyjyldyq qoryn qalyptastyrý boıynsha belsendi jumystar júrgizilip otyr. Bul dárihanalar men ınfeksııalyq stasıonarlarǵa qajetti dári-dármekterdi jetkizýde kedergilerdi boldyrmaýǵa múmkindik beredi.
Qala basshysynyń aıtýynsha, barlyq medıkament farmkompanııalardyń qoımasynda saqtalady. Qajet kezde olar maqsatyna qaraı qoldanylady. Búgingi tańda qala turǵyndarynyń arasynda dúrligý basyldy. Qazir qaladaǵy barlyq dárihanada dene qyzýyn túsiretin, qabynýǵa qarsy preparattardyń belgili qory bar ekenin atap ótti.
