Buǵan "Qazaqstan" sport kesheninde ornalasqan PTR-testileýdiń modýldik zerthanasy nátıjeleri dálel bola alady. Kún saıyn zerthana 800-den myńǵa deıin test alady, deıdi mobıldi PTR-zerthana meńgerýshisi Iýlııa Tretıakova.
"Biz 21 maýsymda jumysymyzdy bastadyq. Birinshi aptada jalpy test sanynyń 47%-y aýrýdy rastaǵan nátıje berdi. Búginde tek 20%-y ǵana rastaldy. Iаǵnı COVID-19 juqtyrǵandardyń sany edáýir tómendegeni baıqalady. Demek, karantın boıynsha qabyldanǵan barlyq sharalardyń paıdasy boldy", deıdi Iý.Tretıakova.
Dárigerdiń aıtýynsha, test nátıjeleri bir kún ishinde daıyn bolady. Naýqastar óz emhanalarynda PTR analız tapsyrady, sodan keıin materıal zerthanaǵa jetkiziledi. Analız qorytyndysy elektrondy nusqada emhanalardaǵy emdeýshi dárigerlerge nemese stasıonarlarǵa birden túsedi.
"Bizdiń zerthanada 20 adam qyzmet etedi. Munda dárigerler, orta medısınalyq qyzmetkerler men eriktiler bar. О́te úlken jumys kólemi operatorlarǵa júkteledi. Sebebi analızderdi jan-jaqqa jiberý, elektrondy nusqasyn jasaý jáne ýaqytyly berý qajet. Sondaı-aq, eń qaýipti bolyp sanalatyn birinshi boksta bıologııalyq materıaldardy qabyldaý júrgiziledi, bizge volonterler kómektesedi", dep atap ótti mobıldi PTR-zerthanasynyń meńgerýshisi.
Qalada kúnine 5 myńǵa deıin taldaý júrgizetin jalpy 9 zerthana bar. 23 shildedegi jaǵdaı boıynsha, Nur-Sultanda 9 068 adam koronavırýs ınfeksııasyn juqtyrǵan, 6 200 naýqas emdelip shyqqan.
