Qazirgi ýaqytta Qazaqstannyń Qarýly Kúshteri koronovırýspen kúreste halyqqa qol ushyn berý jónindegi mindetterdi atqarýda, sonymen qatar josparly merzimdi áskerı qyzmetke shaqyrý ótkizilýde. Bul sheshim halyqaralyq is-sharalardy uıymdastyrýǵa jáne ótkizýge arnalǵan únemdelgen qarajat esebine negizdelgen.
Atalǵan "Tank bıatlony" oıynyna qatysý barysynda halyqaralyq sanıtarlyq-epıdemıologııalyq normalar qatań saqtalady: eki aptalyq karantın, koronovırýske eki ret PSR-testileý jasalady.
Áskerı qyzmetshilerdiń aldaǵy jarysqa barynsha daıyndalyp jatqanyn aıta ketken jón. Saıysqa irikteý óńirlik qolbasshylyqtar, ásker túrleri men tekteri deńgeıinde áskerı bólimderde júrgizildi.
Eń ýákiletti komandalardyń biri retinde Qazaqstan jyl saıyn Armııa halyqaralyq oıyndaryna qatysyp keledi. 2019 jyly shetelde ótken basqa saıystarǵa qatysa otyryp, elimizde de armııa oıyndarynyń úsh túri ótkizilgen bolatyn. Sondaı-aq, basqa elderde 13 halyqaralyq konkýrsqa qatysty.
Kóptegen júldeli oryndar bizdiń áskerı mamandardyń joǵary kásibı daıarlyq deńgeıin kórsetkenin baıqatty. О́tken jyly qazaqstandyqtar jalpy komandalyq esepte álemniń 39 elinen, atap aıtsaq, Eýropa, Azııa, Ortalyq jáne Latyn Amerıka, Afrıka elderi arasynan úsh altyn, eki kúmis pen toǵyz qola medalge alyp, úshinshi júldeli oryndy ıelendi. Saıysty ótkizetin el dástúr boıynsha jeńiske jetetini anyq.
О́tken jyly tank bıatlonynda ózge elder ózderiniń ulttyq armııa sapyndaǵy tankterin jetkizip saıysqa túsip jarysyp jatqanda, qazaqstandyq komanda saıysty ótkizýshi eldiń áskerı tehnıkasynda jarysyp, úzdik úshtikten kórindi.
Armııa halyqaralyq oıyndary – bul jáı jarys emes, áskerı daıarlyqtyń erekshe túri, túrli elderdiń armııalarymen ótetin halyqaralyq oqý-jattyǵý, túrli jaǵdaılardaǵy jáne ahýaldardaǵy jarys túrinde áskerı qyzmetshilerdiń kásibı sheberlikterin shyńdaýy, túrli qarý-jaraq pen áskerı tehnıkany meńgerýi, armııanyń daıarlyq deńgeıin kórsetip, tájirıbe almasýy. Budan ózge, osyndaı aýqymdy halyqaralyq saıystarǵa qatysý jeke kásibı eptilikti arttyrýda áskerı qyzmetshileri úshin myqty motıvasııa bolmaq.
