Nur-Sultan qalasynan shyǵa beriste blokbeketter qoıylǵan. Blokbeketterde elordalyq polısııa qyzmetkerleri azamattarmen demalys oryndaryna barýǵa avtokólik qozǵalysynyń shektelgeni týraly túsindirme jumystaryn júrgizedi. Sondaı-aq betperde rejimin jáne áleýmettik qashyqtyq erejesin saqtaý qajettigi týraly eskertedi.
– Shekteý sharalary únemi erekshe baqylaýda bolady. Koronavırýspen kúresý úshin elorda turǵyndary men qonaqtary jaǵdaıdy túsinip, shomylý maýsymy ótetin demalys oryndaryna, kópshilik jınalatyn jerlerge barýdan bas tartýy kerek, – deıdi Nur-Sultan polısııa bóliminiń jergilikti polısııa qyzmetiniń basshysy Gosman Jakın.
О́tken eki kún ishinde elordalyq mobıldi toptar, onyń ishinde polısııa qyzmetkerleri, epıdemıologter, volonterler, jergilikti atqarýshy organdardyń ókilderi 50 karantındik zań buzýshylyqty anyqtady. Olardyń 29-y medısınalyq betperdeni taqpaýy jáne áleýmettik qashyqtyqty saqtamaýy boıynsha mindetti talaptardy buzǵany úshin, sondaı-aq tyıym salynǵan ýaqytta jumys istegen 21 kásipkerlik sýbektileriniń ákimshilik talapty buzǵany úshin aıyppul salyndy.
Zań buzýshylarǵa qatysty materıaldar Nur-Sultan qalasyndaǵy Taýarlar men qyzmetterdiń sapasyn baqylaý jáne qaýipsizdik departamentine beriledi.
Qazirgi ýaqytta 16 monıtorıngtik mobıldi top jumys isteıdi. Polısııa qyzmetkerleri oıyn-saýyq oryndaryna, qoǵamdyq tamaqtaný nysandaryna, saýna-monshalar, attraksıondarǵa kirip, mekeme ıelerine karantındik sharalar týraly eskertedi. Budan bólek, tártip buzýshylyq faktilerin anyqtaıdy.
