Aımaqtar • 24 Shilde, 2020

Tarazdyq myń otbasy azyq-túlikpen qamtylady

66 ret kórsetildi

Taraz qalasynda turatyn kópbalaly jáne áleýmettik az qamtylǵan otbasylarǵa azyq-túlik paketi taratyldy. Atalǵan qaıyrymdylyq sharasy Taraz qalasy ákimdiginiń qoldaýymen uıymdastyryldy.

Azyq-túlik paketi tarazdyq kásipkerler men «Bınom» jaýapkershiligi shekteýli seriktestiginiń atynan berildi. Karantın talaptaryna sáıkes, qala eriktileri atalǵan kómekti muqtaj otbasylardyń turǵylyqty mekenjaılaryna jetkizip berdi.
Azyq-túlik jınaǵynyń ishinde makaron ónimderi, kúrish, qaraqumyq, kúnbaǵys maıy, un, shaı, sút sekildi ónimder bar. Sondaı-aq, balalar úshin tátti nan ónimderi de qamtylǵan. Aıta ketý kerek, atalǵan aksııa bir aptaǵa sozylady. Birinshi kúni 200 otbasyna azyq-túlik úlestirildi.

«Karantın kezinde kópbalaly jáne áleýmettik az qamtylǵan otbasylardy qoldaý maqsatynda osy aksııany uıymdastyrdyq. Bul shara barsha musylman balasy úshin qasıetti mereke sanalatyn Qurban aıt qarsańynda qolǵa alynyp otyr. Bir aptaǵa sozylatyn aksııa aıasynda shamamen 1000 otbasyny dál osyndaı azyq-túlik jınaǵymen qamtamasyz etý josparlanýda», deıdi Taraz qalasynyń ákimi Aıtqazy Qarabalaev. Jergilikti jomart jandar da áleýmettik az qamtylǵan otbasylarǵa kómek qolyn sozýda. Mundaı aksııa kóne shahar topyraǵynda áli de jalǵasyn tabatyn bolady. Máselen, kún saıyn demeýshi azamattardyń esebinen aýrýhanalarǵa ystyq tamaq jetkizilip, az qamtylǵan otbasylarǵa dári-dármek tabystalýda. Sondaı-aq, «Sadyhan» jaýapkershiligi shekteýli seriktestigi men «Tátti sebet» dúkender jelisiniń basshylyǵy da dál osy qamqorlyq aksııasyn ári qaraı jalǵastyrýǵa nıettenip otyr.

 

Jambyl oblysy

   

 

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar