500 kópfýnksııaly kereýet alyndy

Olar barlyq zamanaýı talap­tarǵa saı. Kereýetter dári-dármek shtatıvterimen jabdyqtalǵan. Paıdalanýǵa óte yńǵaıly jáne erkin qozǵalady. Qazirgi ýaqytta astanada tósektik orny 4 myńǵa jýyq 16 stasıonar jumys jasaıdy. Memleket basshysynyń tapsyrmasymen Nur-Sultannyń aýrýhanalary men emhanalaryna koronavırýs pen pnevmonııamen aýyrǵandardy emdeý úshin qosymsha medısı­nalyq jabdyqtar alyndy. Olar­dyń ishinde 150 flýometr, 350-den astam ottegi konsentratory, ókpeni jasandy tynystandyrýǵa arnalǵan 50 apparat jetkiziledi. Sondaı-aq jaqyn kúnderi qala aýrýhanalary men emhanalaryna taǵy 250-den astam ottegi konsentratory, 350 flýometr, 2 kompıýterlik tomograf jáne t.b. jabdyqtar alynady. Sonymen qatar qaladaǵy dárihanalarǵa koronavırýspen, pnevmonııamen naýqastanǵandardy emdeý úshin 80 tonnadan astam dári-dármek kelip tústi. Bul gýmanıtarlyq júk sanalmaıdy, dárihanalar jelisi dıstrıbıýtorlarynyń qarjysy esebinen alynǵan. Ákimdik tarapynan dári-dármekti satyp alýǵa qarjy bólinip, kó­lik­pen jetkizýge kómek kór­se­tilýde. Búgin-erteń qalaǵa qo­sym­sha dáriler jetkiziledi. Bul baǵyttaǵy jumystar turaqty baqylaýda.