"Álemdik pandemııa buqaralyq aqparat quraldary salasyna keri áserin tıgizýde. Qazaqstan telenaryǵyndaǵy jarnamadan túsetin tabys kúrt tómendedi. Kelesi jylǵy boljam da kóńil kónshiterlik emes. Osy kúnge deıin "Qazaqstan" teleradıokorporasııasynyń "Tamasha TV" telearnasy jarnamadan túsetin tabys negizinde qarjylandyrylyp kelgen. "Tamasha TV" telearnasy Qazaqstandaǵy oıyn-saýyqtyq baǵyttaǵy alǵashqy arna bolyp 2018 jyldyń 1 qyrkúıeginde efırge shyqan bolatyn. Telearna kontentin You Tube jelisindegi http://youtube.com/qazaqstantv "Qazaqstan TV" kanalynan kórýge bolady", - delingen teleradıokorporasııanyń habarlamasynda.
Aıta ketý kerek, naryqtaǵy qıyndyqqa qaramastan "Qazaqstan" respýblıkalyq teleradıokorporasııasynyń medıaaktıvteri ulttyq qundylyqtardy nasıhattap, etnosaralyq birlikti nyǵaıtý baǵytyndaǵy jumysyn odan ári kúsheıte túsedi. Bul rette bıylǵy jyldyń 30 maýsymynan bastap ashylǵan "Abai tv" mádenı-aǵartý telearnasyna artylar júk aýyr. Arna "Otau TV" ulttyq spýtnıktik operatory, "Alma TV", "ID TV" kabeldik jelileri arqyly qazaq jáne orys tilderinde táýligine 17 saǵat habar taratady.
