Sondaı-aq, provızorlyq stasıonarlarda tósek-kún sany aıtarlyqtaı ósti: naýryz aıynda 21 myńnan 100 myń tósek-kúnge deıin.
"Medısınalyq kómek sapasyn jaqsartý úshin shilde aıynda medısınalyq uıymdar úshin tarıfter artty. Endi Qor tarapynan provızorlyq stasıonarda árbir tósek-kún úshin 22 myń teńge, táýlik boıy stasıonarlarda bolý úshin 32 myń teńge, naýqasty anestezıologııa, reanımasııa jáne qarqyndy terapııa bólimshesinde emdeý úshin – tósek-kún úshin 70 myń teńge", dedi B. Tókejanov.
Atalǵan qyzmetter tarıfin arttyrý qor jetkizýshileriniń sanyn keńeıtýge, koronavırýs pen pnevmonııa bar pasıentterdi emdeýge jeke aýrýhanalardy belsendi tartýǵa, sondaı-aq stasıonarlardaǵy medısınalyq kómektiń sapasyn yntalandyrýǵa múmkindik beredi.
Sondaı-aq, medısınalyq saqtandyrý qory stasıonarlar men emhana dárigerleriniń joldamalary boıynsha 300 myńǵa jýyq PTR zertteýlerine 3,5 mlrd teńgeden astam somaǵa tólem jasady.
"Koronavırýspen kúres sharalaryna barlyǵy 56,7 mlrd.teńge baǵyttaldy. Halyqqa kómek kórsetý úshin 630 jetkizýshimen, onyń ishinde 13,4 mlrd.teńge somasyna medısınalyq kómek kórsetýdi qosa alǵanda, stasıonarlarda emdelýge, erekshe eńbek jaǵdaılary úshin medısına qyzmetkerlerine ústemeaqy tóleýge – 38,1 mlrd. teńge, PTR-dıagnostıkaǵa – 5,2 mlrd. teńge somasyna sharttar jasaldy", dedi MÁSQ basshysy.
