"Bıylǵy 24 shildedegi jaǵdaı boıynsha respýblıkada 713,8 myń tonna azyq-túlik qory bar, onyń ishinde turaqtandyrý qorlarynda 34 myń tonna, óndiris kásiporyndarynda 210 myń tonna, qoımalarda 155 myń tonna, al bólshek saýda jelilerinde 315 myń tonnadan astam. Budan ózge 402 mıllıonnan astam jumyrtqa jáne 2,1 mıllıon tonna azyq-túlik bıdaıy bar", - dedi Aýyl sharýashylyǵy mınıstrliginiń ókili.
Vıse-mınıstrdiń aıtýynsha, tez buzylatyn ónimderdiń qory bir apta nemese odan da kóp, jaramdylyq merzimi uzaq taýarlardy saqtaýdy qamtamasyz etý birneshe aıǵa deıin sozylady.
"Aıta ketý kerek, azyq-túlik óndirisi jańa ónim jınaý esebinen artyp, qor únemi jańaryp, tolyqtyrylyp otyrady. Sondyqtan áleýmettik mańyzy bar azyq-túlik ónimderiniń tapshylyǵy sezilmeıdi jáne kútilmeıdi. 2020 jyldyń qańtar-maýsym aılarynda tamaq ónimderin óndirý kólemi aqshalaı túrde 904 mlrd teńgeni qurady, bul ótken jyldyń sáıkes kezeńimen salystyrǵanda 19,4% kóp", - dedi ol.
Sonymen birge spıker qazirgi ýaqytta Almaty, Jambyl, Qyzylorda jáne Túrkistan oblystarynda kartop, pııaz, sábiz, qyryqqabat, qııar, qyzanaq jınaý jumystary júrip jatqanyn atap ótti. Sondyqtan Aýyl sharýashylyǵy mınıstrliginde baǵanyń maýsymdyq tómendeýi kútilýde.
