Jarys qashyqtyq formatynda ótti. Olımpıadaǵa álemniń 50-den astam elinen 250 oqýshy qatysty. Týrnırge Qazaqstannyń atynan 5 konkýrsant – 2019 jylǵy respýblıkalyq olımpıadanyń jeńimpazdary men júldegerleri, fızıka páninen olımpıada rezerviniń músheleri qatysty.
Olımpıada qorytyndysy boıynsha qazaqstandyq quramanyń qorjynynda bir altyn, eki kúmis jáne bir qola medal bar. Jeńimpazdar men júldegerlerdiń qatarynda – Semeı qalasyndaǵy Shyǵys Qazaqstan oblystyq mamandandyrylǵan "Bilim ınnovasııa" lıseıiniń oqýshysy Maǵaýın Rasýl – altyn medal; Draganchýk Anton (Pavlodar qalasyndaǵy daryndy balalarǵa arnalǵan №8 mektep-lıseıi) – kúmis medal; Qaldybaev Raýan (Nur – Sultan qalasyndaǵy Respýblıkalyq fızıka-matematıka mektebi) – kúmis medal; Qoblan Mıras (Pavlodar qalasyndaǵy daryndy balalarǵa arnalǵan №8 mektep-lıseıi) – qola medal. Almaty qalasyndaǵy Respýblıkalyq fızıka-matematıka mektebiniń oqýshysy Iаnchenko Alekseı gramotamen marapattaldy.
Aıta keterligi, Eýropalyq fızıkalyq olımpıada (IPhO – International Physics Olympiad) – bul daryndy oqýshylarǵa arnalǵan fızıka páni boıynsha halyqaralyq aımaqtyq olımpıada. Jarys eki týrda ótedi: teorııalyq týr úsh tapsyrmadan (jeńil, ortasha jáne joǵary deńgeıdegi kúrdelilik) turady, eksperımentaldyq bir nemese eki tapsyrmadan turady.
Qurama komandanyń jattyqtyrýshylary – Sýleıman Demırel ýnıversıteti professorynyń assıstenti S.Maqsutov pen Almaty qalasy RFMM fızıka pániniń muǵalimi A.Sıdorenkonyń jumysynyń arqasynda qazaqstandyq oqýshylar fızıka páni boıynsha Eýropalyq olımpıadada elimizdi laıyqty deńgeıde kórsete bildi.
