"Jalpy COVID-19 aýrýyn juqtyrý men odan keletin ólim-jitim jaǵdaıynyń ary qaraı turaqtalýy ekonomıkanyń barlyq sektoryn tartyp, úılese jumys júrgizýge baılanysty bolmaq. Atap aıtqanda turaqtandyrý baǵytyndaǵy qabyldanǵan sharalardyń nátıjesiniń 30% ǵana medısınalyq kómek pen epıdemıologııalyq sharalarǵa baılanysty. Al qalǵan 70% jappaı maska kııý rejımi men gıgıenaǵa (30%), sonymen qatar áleýmettik qashyqtyqty saqtaýǵa (40%) baılanysty", dedi Alekseı Soı.
Mınıstr karantın aıaqtalǵannan keıin, ıaǵnı 3 tamyzdan bastap qandaı nysandardyń jumys bastaýyna ruqsat beriletinin aıtyp ótti.
"Osyndaı sharttar oryndalǵan jaǵdaıda oıyn-saýyq ortalyqtary, saýda úıleri, ýaqyty men kúni shekteýli tártipte saýda jelileri, jabyq azyq-túlik nysandary men azyq-túlik satpaıtyn bazarlar ashylady. Sondaı-aq balalardyń korreksııa kabıneti, bilim berý ortalyqtary, balalardy damytý ortalyqtary, toptyq úıirmeler (bes baladan aspaýy kerek) jumysyn bastaıdy. Balalardyń mektepke deıingi mekemelerine de kezekshi top rejıminde jumys isteýge ruqsat. Sán-salondary, shashtarazdar, kosmetıkalyq qyzmet kórsetetin ortalyqtar men salondar, manıkıýrlar men pedıkıýrlar (aldyn ala jazylý boıynsha) da ashylady", - dedi mınıstr.
