Altaı Kólginov jumys kúni bastalǵanǵa deıin jumys barysymen tanysty. "Baspana Kóktal" turǵyn úı kesheni 5 jyldan beri problemaly qurylys sanatynda. Ondaǵy úleskerlerdiń sany 530-dan asady.
"Burynǵy qurylys salýshy birneshe qabatty zańsyz salǵan. Mysaly, 5 qabattyń ornyna 9 qabat úı salǵan, al 9 qabattyń ornyna – 12 qabat. Úılerdiń barlyǵy úleskerlerge satyldy", dep jazady Nur-Sultan ákimi óziniń Instagram jelisinde.
Qoldanystaǵy normalarǵa sáıkes 6 qabattan turatyn ǵımarat lıftpen qamtamasyz etilýi tıis. Osyǵan baılanysty lıftilerdi ornatý úshin qalqalardy bólshekteý júrgiziledi jáne órtke qarsy evakýasııalyq satylar ornatylady.
"О́tken jyly birqatar problema boldy, basym bóligi sheshildi. Úı "Elorda qurylys kompanııasy" qatysýmen "Nurly jer" baǵdarlamasy aıasynda salynady. Bıyl 20 kóppáterli turǵyn úı keshenin salyp, paıdalanýǵa beremiz. Bul 8 myńǵa jýyq úleskerdiń máselesin sheshýge múmkindik beredi", dedi A.Kólginov.
