Ońtústik Koreıa sarapshylarynyń aıtýynsha, búginde óz elderinde koronavırýsqa qatysty jaǵdaı turaqty eken. Sondaı-aq, jergilikti turǵyndardyń arasynda jańa jaǵdaılar tirkelmegen. Olar mundaı jaǵdaıǵa medısına qyzmetkerleriniń naqty jáne úılesimdi is-áreketteriniń, azamattardyń túsinistiginiń arqasynda qol jetkizip otyrǵanyn málimdedi. Atalǵan memlekette barlyq jerde medısınalyq maska kııý jáne áleýmettik qashyqtyqty saqtaý mańyzdy qaǵıdaǵa aınalǵan. Dárigerler sımptomsyz naýqastardy, koronavırýstyń jeńil túrimen jáne ınfeksııanyń aýyr túrimen aýyratyn naýqastarǵa bólip, olardy ártúrli stasıonarlarda emdegen. Sonymen qatar, ońtústikkoreıalyq dárigerlerdiń aıtýynsha, aýrýdyń erte dıagnostıkasy jaqsy nátıje bergen jáne dárigerler ózin nashar sezingenderdiń barlyǵynan koronavırýsqa test alǵan. Áriptesterin tyńdaǵan jambyldyq dárigerler olarǵa birqatar suraqtar berdi. Mysaly, oblystyq qan ortalyǵynyń ókilderin Ońtústik Koreıa memleketindegi koronavırýspen aýyryp jazylǵan adamdardyń ımmýndyq plazma donorlyǵynyń qoldanysy qyzyqtyrdy. Al, mamandar bul ádistiń koronavırýspen aýyratyn naýqastardy emdeý kesheninde belsendi qoldanylatynyn aıtty. Sondaı-aq, Ońtústik Koreıa dárigerleri óz elderindegi jaǵdaıdyń turaqtanǵanyna qaramastan, kúzde kútiletin pandemııanyń ekinshi tolqynyna daıyn ekendikterin de atap ótti. Ol úshin atalǵan memlekette qosymsha aýrýhanalar ashylyp, dárigerler daıyndyqtan ótýde eken.
Semınar sońynda eki eldiń dárigerleri maǵynaly oı-pikirleri úshin bir-birlerine alǵys aıtty. Sonymen qatar, bul semınar koronavırýsqa qarsy kúrestegi ózara berik yntymaqtastyqtyń bastaýy bolatynyna senim bildirdi.
Jambyl oblysy
