Aımaqtar • 29 Shilde, 2020

Almatyda 202 armenııalyq kólik tirkeýden ótti

26 ret kórsetildi

Polıseıler Armenııa elinen kelgen kólikterdi ýaqytsha tirkeý merzimi shekteýli ekenin eskertti. Bul týraly polisia.kz silteme jasaı otyryp Egemen.kz habarlaıdy.

Almaty oblysynyń tártip saqshylary Mamandandyrylǵan halyqqa qyzmet kórsetý ortalyqtarynda Armenııadan ákelingen kólikterdi ýaqytsha tirkeý merziminiń az qalǵanyn habarlady.

– Qazirgi ýaqytta Armenııa memleketinen ákelingen kólikterdi tirkeý jalǵasýda. Bul elimizde tirkelmegen kólikti memlekettik tirkeýge qoıý úshin biregeı múmkindik. Osy shara barysynda 202 kólik tirkeýge qoıyldy. Armenııalyq tirkeýdegi kóligi bar azamattardy jergilikti Ákimshilik polısııa basqarmasyna habarlasyp, memleket tarapynan jasalyp otyrǵan utymdy múmkindikti paıdalanýǵa shaqyramyn, – dedi Almaty oblysy PD Ákimshilik polısııa basqarmasy bastyǵynyń orynbasary Nurjan Tańatarov.

Esterińizge sala keteıik, Memleket Basshysynyń tapsyrmasyna oraı qabyldanǵan QR Úkimetiniń 2020 jylǵy 20 mamyryndaǵy №306 qaýlysyna sáıkes Armenııa Respýblıkasynan ákelingen kólikterdi elimizde ýaqytsha tirkeýge qoıý máselesi birizdendirilgen bolatyn. Atalǵan qujatta ýaqytsha tirkeý merzimi 2020 jyldyń 1 maýsymynan 1 qyrkúıegine deıin dep kórsetilgen. Qazaqstan Respýblıkasynda ýaqytsha tirkeýge qoıylǵan Armenııa memleketiniń kóligine tıisti úlgidegi memlekettik tirkeý nómiri berilip, olarǵa salyq tóleýge jáne kólikke qatysty barlyq zańdy áreketterdi iske asyrýǵa múmkindik jasalady.

Sońǵy jańalyqtar

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar