COVID-19 pandemııasyna, munaı baǵasynyń tómendeýine, ulttyq valıýtanyń devalvasııasyna qaramastan, jeńil ónerkásiptiń naqty kóleminiń aǵymdaǵy ındeksi oń dınamıkany kórsetýde. 2020 jylǵy qańtar-maýsymda ónimniń NKI 2019 jylǵy tıisti kezeńimen salystyrǵanda 108%-dy qurady. Saladaǵy ósim jeńil ónerkásiptiń barlyq kishi salalarynda baıqalady.
Toqyma buıymdaryn óndirý-108,4%, oń nátıje maqta talshyǵyn, maqta matalaryn jáne tósek-oryn jabdyqtaryn óndirý kóleminiń ósýine baılanysty. Kıim óndirisiniń NKI ósýi – 102,1% negizinen memlekettik tapsyrys boıynsha arnaıy kıim jetkizý, sondaı-aq covid-19 pandemııasymen kúres kezeńinde betperdeler men arnaıy kıim tigý esebinen qamtamasyz etildi. Jergilikti atqarýshy organdarmen birlesip betperdeler óndirisine 70-ten astam tigin kásiporyndary tartyldy: "Dalatex" JShS, "Bolshevıchka" JShS, "Eko-Farm" JShS, "QazLegProm" JShS, "Janarys" JShS jáne t. b. Bylǵary jáne oǵan jatatyn ónimder óndirisiniń ósýi – 106,6% arnaıy aıaq kıim jetkizýge satyp alý boıynsha kelisim-sharttar jasasqan aıaq kıim kompanııalary esebinen negizdelgen.
