Máselen, Túrkistan oblysy Sozaq aýdanyndaǵy dárihanalardyń birinde dári-dármekterdi negizsiz joǵary baǵamen satý jaıty oryn aldy. Jergilikti polısııaǵa Sozaq aýdany Qumkent aýylynyń dárihanasynda dári-dármekterdi joǵary baǵamen satqany týraly habarlama kelip túsken.
Atalǵan jaıtty tekserý maqsatynda jergilikti jerge quramynda polısııa qyzmetkerleri men basqa da múddeli organdardyń ókilderi bar mobıldi top shyǵady.
Osylaısha Sozaq aýdandyq polısııa bóliminiń qyzmetkerleri dárihana satýshysynyń tutynýshylardyń birine 10 dana "Teraflıý", "Sefozalınniń" bes ampýlasy jáne 5 medısınalyq shprısti 4 myń teńgeden astam qarjyǵa, ıaǵnı belgilengen baǵadan eki ese qymbat satqanyn anyqtady.
Osy jaıt boıynsha jınalǵan materıaldar QR Densaýlyq saqtaý mınıstrliginiń Túrkistan oblysy boıynsha farmakologııalyq komıtetine zańdy sheshim qabyldaý úshin jiberildi. Jalpy alǵanda karantın kezinde Túrkistan oblysy Polısııa departamentiniń polıseıleri men jergilikti polısııa qyzmetiniń qyzmetkerleri dári-dármek pen medısınalyq quraldardy joǵary baǵamen zańsyz satýdyń 52 jaıtyn anyqtaǵan.
