Aımaqtar • 01 Tamyz, 2020

Elordadaǵy bılbordtarda COVID-19-qa qarsy kúresken dárigerlerdiń sýreti paıda boldy

213 ret kórsetildi

Bul medısına qyzmetkerlerine pandemııa kezindegi qajyrly eńbegi úshin kórsetilgen qurmet, dep habarlaıdy ákimdiktiń resmı saıty.

Nur-Sultandaǵy bılbordtarda elordalyq aýrýhana dárigerleriniń sýretteri paıda boldy. Osylaısha, aksııa bastamashylary dárigerlerge qajyrly eńbegi men indetpen kúreste ómirin saqtap qalǵany úshin alǵys bildirdi. Jalpy, qalanyń ortalyq kóshelerinen 40-tan astam dárigerdiń sýretin kórýge bolady. Olar Tursyn Raıda, Dáýren Moldajanov, Marına Makıenko, Ǵaısa Nurǵalıev, Jazıra Nýbın jáne basqalar. Pandemııamen kúresýge bes myńǵa jýyq dáriger tartylǵan. Búgingi tańda bizdiń dárigerlerdiń adaldyǵy men kásibıligin baǵalamaý múmkin emes.

Birneshe aıdan beri aq halattylar koronavırýsqa qarsy kúreste aldyńǵy qatarda boldy. Olar birneshe apta boıy otbasy men dostarynan jyraqta, balalaryn, áıeli men kúıeýin, ákesi men anasyn kórmeıdi. Sonymen qatar, olar aýrýdyń azabyn tartyp jatqan otandastarymen kúndelikti betpe-bet kelip, adam ómiri úshin kúresedi. Bizdiń dárigerlerdiń janqııar eńbeginiń arqasynda kóptegen adamdar úıge anasyna, ákesine, áıeli men kúıeýine qaıta oraldy. Memleket dárigerlerdiń eńbegin joǵary baǵalap, barsha halyq úlken rızashylyq bildiredi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar