Qoǵam • 03 Tamyz, 2020

Aýa qymbat, alatuǵyn dem qymbat...

3980 ret kórsetildi

Boljalsyz kelgen indetke qarsy kúreste álem jurtshylyǵy ǵana emes, qazaq halqy da barynsha kúresip baǵýda. Eldegi karantın rejimin saq­tamaı, beıdaýa keseldiń quryǵyna túskender qanshama. Búginde elimiz kórshiles Qytaı elin basyp ozyp, jalpy aýyrǵandar sany 92 000 myńǵa jýyqtady. Elde ottegi konsentratorlarynyń jetispeýshiligine qara­mastan, aq halatty abzal jandar jan-dármeni qalǵansha naý­qas­tar­­ǵa em-dom jasaýda. Osy oraıda jurttan eren shyǵyp, halqyna kómek qolyn sozyp jatqandar legi barshylyq.

 

Aksııa aıasyndaǵy qor

Osy tarapta QMDB «Zeket qory» elimizde tynysy tarylyp, dem jetpeı jatqan naýqastardy qoldaý maqsatymen «О́mirge úmit syıla!» aksııasy aıasynda qor jınady. Eldiń túkpir-túkpirindegi jamaǵattyń aýyz­birshiligi arqasynda 450 ottegi kon­sentratory jáne 3 О́JT apparaty mejeli oryndarǵa jetkizildi. Jınalǵan qarajatqa ottegi kon­sentr­a­­torlarynan bólek, emdeýge qajetti medısınalyq qural-jab­dyq­tar, bir rettik betperdeler, antı­septıkter, qolǵap jáne taǵy basqa zattar alynǵan. Sonyń ishinde atalǵan apparattar Atyraý oblysyna berilse, al ottegi konsen­tra­torlary basqa óńirlerge tabys­tal­dy. Mejelegen aımaqtar tiziminde: Túrkistan oblysyna – 78, Shyǵys Qazaqstanǵa – 62, Soltústik Qazaq­stan­ǵa – 61, Semeı óńirine – 57, Jambyl oblysyna – 51, Aqmola oblysyna – 43, Pavlodar oblysyna – 30, Qostanaı oblysyna – 34, Syr óńirine – 7, Mańǵystaýǵa – 3, Tal­dyqor­ǵan óńirine – 22 jáne Almaty qalasyna 2 konsentrator jet­kizildi. Osyndaı ıgi ister naý­qas­tardyń densaýlyǵyna oń áserin be­rip otyr.

 

Elordada ottegi konsentratorlary jetkilikti

Ke­zekti karantın rejimi engi­zil­gennen beri elordada koronavırýstyq ınfeksııany juqtyrǵandar sany kún sanap azaıýda. Nur-Sultan qalasynyń №3 kópsalaly aýrýhanasyna elorda ákimdiginen 59 ottegi konsentratory alyndy. Qýantarlyǵy, elorda turǵyndarynyń basym kópshiligi osy ottegi konsentratorlary arqy­ly táýir bola bastady. Sondaı-aq gýmanıtarlyq kómek aıasynda qaladaǵy aýrýhanalarǵa koronavırýs jáne pnevmonııany emdeý úshin qosymsha medısınalyq jabdyqtar apta saıyn kelip jatyr.

Budan bólek, qaıyrymdylyq jasaýdyń basy-qasynda júrgen «Qazaqstan stýdentter alıansy» uıymyn aıtpaı ketýge bolmaıdy. Búgingi tańda uıym – izgiliktiń jarshysy retinde birtalaı iske járdemin tıgizgen.

«Osy istiń bastamasyn naýryz aıyn­da karantın rejimi engizil­gen­nen keıin, volonterler kómegimen uıymdastyrǵan edik. Olardyń ishin­de az qamtylǵan jáne kóp balaly otbasylarǵa, tyl eńbekkerleri men Uly Otan soǵysy ardagerlerine eriktiler toby qolushyn berip keledi. Budan bólek Qazaqstan stýdentter alıansynyń 15 jyldyǵyna oraı sáýir aıynda ár oblysqa 1 500 medısınalyq betperde, qolǵap jáne azyq-túlik sebetterin taratqan bolatynbyz», deıdi uıym jetekshisi Ilııas Tústikbaev.

Sonymen qatar stýdenttik uıym elorda ákimdiginiń, Nur Otan partııasyna qarasty Jas Otan Jastar qanatynyń belsendi ókilderimen birlese otyryp, volonterlik qyz­met­terdi qulshyna atqaryp, el ıgi­li­gine jumys istep keledi.

«Osy baǵytta Instagram áleý­met­tik jelisinde jastary­myz­dyń kómegimen kólemdi qarajat jınaldy. Jýyrda 3 ottegi konsentratory jetkiziledi jáne taǵy 3-eýine tapsyrys berip qoıdyq. Buǵan qosa 10 myń medısınalyq betperde men qajetti dári-dármek qoryn tegin taratatyn bolamyz», deıdi uıym basshysy.

 

О́ńirlerdegi mazasyzdyq basyldy

Qazirgideı sanıtarlyq-epı­de­mııalyq ahýaldyń almaǵaıyp kezeńinde aýrýhanalarda emdelip jatqan ár naýqastyń densaýlyǵy mańyzdy. Sondyqtan da elimizde tótenshe jaǵdaı jarııalanǵannan bastap, eldi mekenderde aýrýdyń aldyn alý jáne juqpaly indettiń taralmaýy úshin kóptegen jumys qolǵa alyndy.

Búginde qala jurtshylyǵynan bólek, aýyl halqy da óz jurtyna septesip júr. Birneshe aýdanda biryńǵaı qor jınalyp, tıisti medısınalyq jabdyqtar men ottegi konsentratorlary alynýda. Osyǵan baılanysty Almaty oblysy, Nur Otan partııasyna qarasty Uıǵyr aýdandyq fılıalynyń konsýltanty Aqjol Nurdáýletulymen az-kem tildesýdiń sáti tústi.

– Adýyndy dert talaı adamdy aýrýhana tósegine tańyp, ajal qushtyryp jatqany jasyryn emes. Qolushyn sozyp, ókpeni jasandy tynystandyratyn qurylǵylardyń tapshylyǵyn eskere otyryp, tym bolmasa sonyń bireýin satyp alý úshin qolymyzdan kelgenshe qarajat jınaýdy bastadyq. Aýdannyń belsendi jastary bir kisideı az ýaqyttyń ishinde tıisti qarajatty jınady. Aýdandyq ortalyq aýrý­hananyń basshylyǵymen aqyl­dasa otyryp, eń qajet degen qu­ryl­ǵylardy surastyryp, ottegi konsentratory apparatyn, sonymen qosa kvarslampa, elektrootsos, resırıkýlıator jáne naýqastarǵa arnalǵan ydys-aıaq syndy qajet­ti­lik­terdi tabystadyq, – deıdi Aqjol Nurdáýletuly.

Sonymen qatar aýdannyń el aǵa­la­ry men kásipker azamattary, júk kóligin júrgizetin erler qaýymy, áskerı qyzmetkerler jáne «Urpaq paryzy» qoǵamdyq birlestigi aýdan­dyq ortalyq aýrýhanaǵa kómek qo­ryn jetkizip turýdy baqylaýǵa al­ǵan.

Aqjol Nurdáýletuly qazir aýdanda karantın rejimi qatań saqtalǵanyn, sondaı-aq estııar baladan eńkeıgen qartqa deıin betperdesiz attap baspaý kerektigin kókeıge myqtap túıgenin atap ótti.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar