Aımaqtar • 03 Tamyz, 2020

Qaraǵandyda kásipkerler 10 jedel járdem kóligin tartý etti

21 ret kórsetildi

Qaraǵandy oblysynyń qaıyrymdy kásipkerleri dárigerlerdi qoldaý maqsatynda emhanalardyń mobıldi toptarynyń jumysyn jeńildetý úshin alǵashqy medısınalyq kómek kórsetýge qajetti aspap-quraldarmen jabdyqtalǵan 10 avtokólikti syıǵa tartty, dep habarlaıdy Egemen.kz. oblys ákiminiń baspasóz qyzmetine silteme jasap.

Bul qaıyrymdylyq kómektiń bastaýynda Qaz Carbon jáne YDD CORPORATION zaýyttarynyń Erlan Nyǵmatýlın, onyń Grýzııadan kelgen seriktesi Davıd Kemertelıdze jáne Jarmuhamed Appaz syndy aksıonerleri turǵanyn aıta ketken jón.

Iri bıznes ókili Erlan Nyǵmatýlın atalǵan ıgi is-sharanyń koronavırýspen kúreste aldyńǵy shepte júrgen medısınalyq qyzmetkerlerdiń jumysyn jeńildetýge arnalǵanyn atap ótti.

– Kezinde memleket bıznesmenderge óndiristi damytýǵa jáne aıaǵynan  turyp ketýge kómektesti. Endi, qazirgi kúrdeli kezeńde bıznes ókilderiniń memleket pen qoǵamǵa kómektesetin kezi keldi. Bul avtomobılder alǵashqy medısınalyq kómek kórsetý úshin barlyq qajetti qural-jabdyqtarmen jaraqtandyrylǵan. Olar mobıldi brıgadalarǵa úıde qabyldaý júrgizýge jáne qajet bolǵan jaǵdaıda naýqastardy tasymaldaýǵa múmkindik beredi, – dedi ol.

Sheteldik ınvestor Davıd Kemertelıdze bul qoldaýdyń pandemııamen kúreste qoǵamnyń ıgiligi úshin qyzmet etedi degen úmitte ekenin aıtty.

– Osyndaı kúrdeli kezeńde medısına salasynyń qyzmetkerlerine qanshalyqty qıyn ekenin biz jaqsy túsinemiz. Biz Densaýlyq saqtaý mınıstrliginiń jedel járdem qyzmetine eleýli júkteme túsip jatqany týraly málimetin zerdeleı otyryp, arnaıy avtokólikterdi satyp alýǵa sheshim qabyldadyq, – dedi Davıd Kemertelıdze.

Al kásipker Jarmuhamed Appaz bolsa, muqtaj jandarǵa kómek kórsetý, jalpy adamdarǵa, elge qamqorlyq jasaý – bul kompanııanyń, búkil ujymnyń negizgi qaǵıdattary ekenin atap aıtty.

– Bizdiń elimiz osy qıyn kezeńdi tez eńserip, adamdar qalypty ómir súrý yrǵaǵyna tezirek oralsa eken dep tileımin, – dedi ol.

Emhanalyq brıgadalarǵa arnalǵan «Lada-Largýs» bazasyndaǵy avtokólikter emdeý is-sharalaryn júrgizýge, naýqastardy tasymaldaýǵa jáne aýrýhanaǵa deıingi kezeńde pasıentterdiń jaǵdaıyn baqylaýǵa  arnalǵan ıspandyq Hersill jedel medısınalyq kómek shabadandarymen  jabdyqtalǵan. Ondaǵy árbir jıyntyq ottegi ballony, aýa ótkizgishter, ıntýbasııalyq tútikter sııaqty ómirlik mańyzdy qurylǵylardan jáne pasıentke alǵashqy shuǵyl kómek kórsetýge arnalǵan basqa da quraldardan turady.

YDD CORPORATION ferroqorytpa zaýytynyń aksıonerleri Erlan Nyǵmatýlın, Davıd Kemertelıdze jáne Jarmuhamed Appazdyń osy jyldyń naýryz aıyndaǵy tótenshe jaǵdaı kezindegi memlekettiń is-qımylyn qoldaý úshin qurylǵan oblystyq qorǵa 100 mıllıon teńge aýdarǵanyn aıta ketken lázim. Budan bólek, bul úshtik Qaraǵandy oblysynyń aýrýhanalaryna koronavırýspen aýyratyndardy emdeý úshin 100 ottegi konsentratoryn, pýlsoksımetrler men «Enoksaparın» preparatyn tartý etip, qaıyrymy zor  iske muryndyq bolǵan edi.

Sońǵy jańalyqtar

Turǵyn úı baǵasy qashan turaqtaıdy

Qazaqstan • Búgin, 15:55

Bas basylymnyń PDF nusqasy aqyly negizge aýysty

Egemen Qazaqstan • Búgin, 15:30

Búgin bir óńir «jasyl» aımaqqa ótti

Aımaqtar • Búgin, 11:55

Qazaqstanǵa AstraZeneca vaksınasy jetkizile me

Koronavırýs • Búgin, 11:04

Qazaqstanda kún qaıta sýytady

Aýa raıy • Búgin, 10:43

Elimizde taǵy 2229 adam koronavırýs juqtyrdy

Koronavırýs • Búgin, 09:11

Nur-Sultanda aýa sapasy nasharlaıdy

Aýa raıy • Búgin, 09:05

Qazaqstan Madrıdte oınaıdy

Tennıs • Búgin, 08:30

Bızıbordtar balany damytady

Rýhanııat • Búgin, 08:28

Jamanqulov mansabyn aıaqtady

Sport • Búgin, 08:26

Pandemııadaǵy paıym

Koronavırýs • Búgin, 08:21

Saýda ortalyqtarynda vaksına salady

Qoǵam • Búgin, 08:17

Indetten saqtyq qana qutqarady

Aımaqtar • Búgin, 08:15

Qaı eldiń teleserıalyn kóresiz?

Qoǵam • Búgin, 08:12

Aýyl amanatyna adaldyq

Tanym • Búgin, 08:10

3 mıllıonynshy tonna alıýmınıı

Ekonomıka • Búgin, 08:05

Uqsas jańalyqtar