Aımaqtar • 03 Tamyz, 2020

Almaty oblysynyń turǵyny kıik múıizimen ustaldy

50 ret kórsetildi

Almaty oblysynyń turǵyny kıik múıiziniń tórt danasyn ótkizý kezinde ustalǵan, – dep habarlaıdy Polisia.kz.

Kólik quralyn tintý barysynda odan ózge taǵy bes múıiz avtokóliktiń astynan tabyldy.

"Belgisiz er adamnyń kıik múıizderin satqysy keletini týraly bizge jedel aqparat kelip tústi. Aqparat birden jumysqa qabyldandy. Osylaısha, birshama ýaqyttan keıin Taldyqorǵan qalasynda arnaıy operasııa barysynda Tekeli qalasynyń 46 jastaǵy turǵyny aqshalaı qarajatty berý kezinde ustaldy. QR QK 339-babynyń 1-1-b. sáıkes bastalǵan sotqa deıingi tergeý amaldary barysynda ustalǵan azamattyń kıik múıizin qaıdan satyp alǵany jáne qandaı maqsatpen satýǵa sheshim qabyldaǵany anyqtalatyn bolady. Barlyq tabylǵan zattaı dáleldemeler alynyp, jalpy sany toǵyz kıik múıizi saraptamaǵa jiberildi", – dep habarlaıdy Almaty oblysy PD Krımınaldyq polısııa basqarmasynyń bastyǵy Ashat Danııar.

Polısııa ustalǵan azamattyń is-áreketinde qylmys belgileri baıqalatynyn eske salady, bul kıikti zańsyz aýlaý, joıý, sondaı-aq zańsyz aýlanǵan kıikti nemese onyń derıvattaryn, onyń ishinde múıizderin satyp alý, saqtaý, ótkizý, ákelý, áketý, jóneltý, tasymaldaý áreketteri. Qylmystyń bul túri úsh jyldan bes jylǵa deıingi merzimge bas bostandyǵyn shekteý nemese múlki tárkilenip, sol merzimge bas bostandyǵynan aıyrý túrindegi jazany kózdeıdi.

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar