Aımaqtar • 03 Tamyz, 2020

Elordanyń jasyl beldeýine jetisý qyrǵaýyly jiberildi

26 ret kórsetildi

Jasyl beldeýge jetisý qyrǵaýyly jersindirilýde, dep habarlaıdy Nur-Sultan ákimdiginiń resmı saıty.

Qazir bul tabıǵı oazıste myńdaǵan qustar men janýarlar mekendeıdi. Beldeýdiń ózi qalanyń dúrbeleńinen sharshaǵan júzdegen astanalyqtar úshin jaıly demalys ornyna aınaldy. Munda qoıan, qarsaq, túlki, kekilik bar. "Astana Ormany" JShS bas agronomy Ardaq Hasenov beldeýde qoıandar sany artqanyn aıtady.

"Qysta olar jyl saıynǵy ósip-óný arqyly ártúrli aǵashtardyń jas kóshetterin búldiredi. Qoıan bizdiń qoldan jasalǵan ormannyń bıosenozynyń bir bóligi bolǵandyqtan, biz jas kóshetterdi olardy úrkitetin dárilermen ǵana óńdeı alamyz. Tabıǵı ormanda túlkiler men basqa da jyrtqysh ańdar mundaı janýarlardyń sanyn retteıdi. Al bizdiń jaǵdaıda qoıandardyń tabıǵı jaýynyń - túlki men qarsaqtyń sanyn kóbeıtý úshin ýaqyt qajet", - deıdi A. Hasenov.

Jasyl beldeý faýnasynyń túrlik quramyn arttyrý úshin 2010 jyldan 2018 jylǵa deıin qorshaǵan ortany qorǵaý jáne tabıǵatty paıdalaný basqarmasy "Astana Ormany" JShS-men birlesip, qyrǵaýyldardy ósirýmen (ıntrodýksııamen) aınalysqan. Ol úshin 125 qyrǵaýyl satyp alyndy. 8 jyl ishinde, ıaǵnı 2010 jyldan 2018 jylǵa deıin bul qustardyń 9 823-i tabıǵatqa jiberildi. Qazir erkin qustar kóbine jasyl beldeýde nemese jıdekti butalardyń qopalarynda ómir súredi.

"Bosatylǵan barlyq qustar aıazǵa tózimdi. Túnde olar qardy yqtap, erekshe qamqorlyqty qajet etpeıdi. Qysta keıde ǵana jemdeýdi qajet etedi. Shyǵarylǵan qustardyń bir bóligi qonys aýdardy. "Astana Ormany" JShS-de maýsymdyq jumys isteıtin aýyl turǵyndarynyń aıtýynsha, olar Selınograd jáne Qorǵaljyn aýdandarynyń eldi mekenderinde baıqalǵan", - dep túsindirdi "Astana Ormanynyń" bas agronomy.

Erkin qyrǵaýyldar únemi baqylaýda. Qazirgi ýaqytta jetisý qyrǵaýylyn ósirýdi bastaý josparlanýda. Bul úshin byltyr bıologııalyq negizdeme jasaldy. Bıyl qyrǵaýyldardy qaıta qurý jumystary júrgizilýde. Qyrǵaýyl jándiktermen kúresýdegi problemalyq máselelerdi sheshýge, sondaı-aq jasyl beldeýdi tabıǵı orman jaǵdaıyna barynsha jaqyndatýǵa kómektesedi.

Aıta ketý kerek, qazirgi ýaqytta jasyl beldeýdiń jalpy aýdany 14 827 ga quraıdy. Onda 10,2 mln-nan astam aǵash pen 8-24 jastan aspaıtyn 1,8 mln-ǵa jýyq buta ósedi. Jasyl beldeýde qala turǵyndary men qonaqtary tabıǵattan lázzat alyp qana qoımaı, jaıly demalys ótkize alady.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar