Aımaqtar • 03 Tamyz, 2020

Stepnogorsk qalasynda PHD-qaldyqtardy kádege jaratý zaýyty bolmaıdy

18 ret kórsetildi

QR Ekologııa, geologııa jáne tabıǵı resýrstar mınıstrligi Stepnogorsk qalasynda quramynda polıhlordıfenıl bar (PHD) qaldyqtardy kádege jaratý zaýytyn salýdy josparlamaıdy. Bul týraly búgin Stepnogorsk qalasynyń ekologııalyq máselelerine arnalǵan beınekonferensııa barysynda ýákiletti organnyń vıse-mınıstri Ahmetjan Pirimqulov málimdedi. Qazirgi zamanǵy qondyrǵyny ornalastyrý úshin óńirden tys balamaly ýchaske aıqyndalatyn bolady.

Konferensııaǵa 40-tan astam adam qatysty, olar Stepnogorsk qalasynyń basshysy Erkebulan Baıahmetov, «Jasyl damý» AQ basshylyǵy, Qazaqstannyń ekologııalyq uıymdary qaýymdastyǵy, turaqty organıkalyq lastaǵyshtarmen jumys jónindegi sarapshylar, qoǵam qaıratkerleri jáne Stepnogorsk qalasynyń bastamashyl tobynyń ókili Vıacheslav Cherepkov.

Qatysýshylar PHD-qaldyqtardy saqtaý máselesine erekshe nazar aýdardy. Oǵan táýelsiz sarapshy Ámına Beıbitovanyń qorytyndysy usynyldy. «Qaldyqtar halyqaralyq aktiler men Ulttyq ekologııalyq zańnamanyń talaptaryna sáıkes qaıta oralǵan, qaptama materıaly BUU talaptaryna sáıkes sertıfıkattalǵan jáne tańbalanǵan, sondaı-aq  tasymaldaý, qaıta tıeý jáne saqtaý kezinde aǵyp ketý men zaqymdanýdy (korrozııany) boldyrmaıdy»,- delingen sarapshynyń qorytyndysynda.

Sarapshylar «Ekolıýks-AS» JShS qoımasyndaǵy PHD - qaldyqtar qaptamasynyń qorǵalý deńgeıi halyqaralyq aktilermen belgilengen qajetti talaptardan birneshe ese asyp túskenin atap ótti.

Mınıstrlik ókilderi «Ekolıýks-AS» JShS qoımalaryn qarap, beınekonferensııa barysynda: «PHD saqtaý sharttary zańnamanyń barlyq talaptaryna sáıkes keledi jáne qorshaǵan orta men halyqtyń densaýlyǵyna qaýip tóndirmeıdi», - dep túıindedi. О́z kezeginde, mınıstrlik «Qazgıdromet» RMK mamandarynyń PHD-qaldyqtardy ýaqytsha saqtaý qoımasy aýmaǵyndaǵy aýa men topyraq sapasyna turaqty monıtorıng júrgizý máselesin qarastyrýda.

QR Ekologııa, geologııa jáne tabıǵı resýrstar mınıstrligi Stepnogorsk qalasyndaǵy jaǵdaıdy baqylaýda ustaıdy jáne osy óńirdegi ózekti ekologııalyq máselelerdi talqylaý boıynsha birqatar kezdesýler ótkizýge nıetti.

Sońǵy jańalyqtar

Jańa aýrýhana men jańa kólikter

Aımaqtar • Búgin, 06:39

Úmitkerler anyqtaldy

Abaı • Búgin, 06:36

«Výelta» velojarysy bastaldy

Sport • Búgin, 06:23

Jetisý qys maýsymyna daıyn ba?

Aımaqtar • Búgin, 06:13

Qazir kómir arzan satylyp jatyr

Aımaqtar • Búgin, 06:11

Qaraly qazan

Fýtbol • Búgin, 06:00

Tarazdan kelgen ury ustaldy

Aımaqtar • Keshe

Uqsas jańalyqtar