Qoǵam • 04 Tamyz, 2020

Oqyrmandar onlaın olımpıadaǵa oı qosty

24 ret kórsetildi

Jýyrda bas basylymda «Onlaın olımpıadalar oıdy jetil­diredi» («EQ», 21 shilde, 2020 jyl, №138) atty maqala jaryq kórgen edi. Mektep qabyrǵasynda qatysýǵa mindetteletin pándik olımpıadalar kóbinese qatysýshylardyń pikirin eskere ber­meıdi. Bul búginge deıin kúrmeýi sheshilmeı kele jatqan túıin. Osy máse­lege beıjaı qaramaǵan oqyrmandardyń pikiri san alýan.

 

Máselen, atalǵan olımpıa­da­larǵa qatysýshylardyń da oılaryn ortaǵa salǵanda, uıym­das­tyrý­shylar tuty­ný­shylardyń tilegin qan­shalyqty eskeretinin, qaty­sý­shy­lardyń talabyn qan­shalyqty oryndaı­tynyn jet­kizdi. Osy ret­te, aqtóbelik Bal­dyrǵan Ta­byl­­dı­na esimdi jas maman qaty­sýshy re­tinde onlaın olım­pıadalardyń mu­ǵa­lim­­niń teorııalyq bilimin shyń­dap, kásibı sheberligi damytatyna senim bildirdi. Al tal­dyqorǵandyq №14 orta mek­tep-gımnazııasynyń qazaq tili men ádebıeti páni muǵalimi Gúl­­­jan Turarbekqyzy olımpıada oqýshylardyń, ásirese grammatıkany tyńǵylyqty úırenýine septigin tıgizetinin jetkizdi.

– Jańa baǵdarlama boıynsha grammatıka tereńdetilip oqytylmaıdy. Alaıda osy ol­qylyqtyń ornyn olımpıada kezinde toltyryp otyrady. Son­dyqtan bul olımpıadanyń paı­dasy mol dep oılaımyn. Mysaly jergilikti baıqaý­lardaǵydaı tanys-tamyrlyqqa jol beril­meıdi. Qo­ǵamdaǵy «jemqorlyq» dertine tosqaýyl bolatyn tásil dep oılaımyn. Oqýshy, ne muǵa­lim bolsyn óziniń jarnasyn tó­lep, tapsyrma men sharttaryn oryn­daıdy. Odan keıin onyń bilimi shynaıy túrde shyǵady. Sol sebepti, bul onlaın olımpıa­dalar qoǵamdaǵy shynaıylyqty ornatýǵa kóp paıda beredi, – deıdi tájirıbeli ustaz.

Bul oraıda sarapshylardyń da pikiri bar. Pandemııa jaǵ­daıyn­da qashyqtan bilim alýdy zańdastyrý kún tártibin­degi ózek­ti máselelerdiń birine aınal­dy. Eldi jyldam ınternetpen qam­týmen qatar, sapaly bilim qyzmetin usy­natyn vırtýaldy naryq qalyptasty. Muny saıası ǵylym­dar doktory, professor Gúlmıra Sultan­baeva da qoshtap otyr.

– Onlaın olımpıadalardyń ereksheligi – orta mektep­terdiń oqý­­shylaryna, ustazdaryna ar­nal­ǵan testiler júıe­siniń qol­jetimdi bolýy. Mektep jasyna deıingi bilim, tár­bıe oryn­da­rynyń tárbıeshisi, ádiskerleri de osy alańda óz bilimderin je­til­­dirý, biliktilikterin art­ty­rý­ǵa múm­kindik alyp otyr. Mun­daı alańdardy memleket tarapyna qoldaý sıfrly Qa­zaq­­stannyń ornyǵýyna jáne adam kapıtaly damýyna da úl­­ken serpin bolmaq, – deıdi sarap­­shy.

Zaman aǵymyna saı qashyqtan oqytýdan qashyp qutyla almaıtynymyz anyq. Bilim júıesi birizdilikke túsý úshin ózge el­diń tájirıbesine ıek artýdyń esh ábestigi joq. Qazir qoǵam ǵa­lam­tordyń qursaýynda, bári onlaınǵa kóshti. Oqýshynyń úıde otyryp-aq qabiletin art­tyrýǵa orasan múmkindik bar. Búginde ǵalamtorǵa oıyn izdep emes, oı kózdep kirýge bolady. Son­dyqtan otandyq onlaın olımpıadalardy jetildirýge tıispiz. Son­da ǵana barshamyz báıek bolǵan bilim salasynyń jumysy jeńildeıdi. Bul qajet­tilik karan­tın kezińde kórinis berdi. Tek atústi qaramaı, máse­lege dendep ene bilýimiz shart.

 

Sońǵy jańalyqtar

Armanǵa qanat baılaǵan...

Rýhanııat • Búgin, 07:35

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar