Bitimgershilik mıssııaǵa jiberilgen áskerı qyzmetshilerdi desanttyq-shabýyldaý áskerleriniń qolbasshylyǵy, áskerı bólim komandırleri men qazaqstandyq bitimgerlik polkiniń jeke quramy qarsy aldy.
Aldyńǵy toptar sekildi elimizdiń úshinshi bitimgershilik quramyna da segiz aı ýaqyt aralyǵynda Lıvandaǵy beıbitshilik pen qaýipsizdikti qamtamasyz etý mindeti júkteldi. Olardyń mıssııasyn oryndaý kezeńinde qabyldaýshy elde áskerı-saıası, ekonomıkalyq jaǵdaıy kúrdeli boldy, álemde SOVID-19 koronavırýstyq ınfeksııasynyń tez taralýy baıqaldy, biraq bizdiń áskerı qyzmetshiler qoıylǵan tapsyrmany oryndady.
"QR Qarýly Kúshteriniń kontıngentimen bitimgershilik mıssııany oryndaý elimizdiń halyqaralyq qoǵamdastyqtaǵy bedelin nyǵaıtý jolyndaǵy mańyzy zor. Sizder jaýyngerlik daıarlyqtyń joǵary deńgeıin kórsetip, óz mindetterińizdi adal atqardyńyzdar", - dep atap ótti desanttyq-shabýyldaý áskerleriniń qolbasshysynyń birinshi orybasary - shtab bastyǵy polkovnık Baýyrjan Artyqov. Ol "bitimgershilik kúshterdiń jańa, tórtinshi kontıngenti Qazaqstan Qarýly Kúshteri áskerı qyzmetshisi degen atyn asqaqtatatynyna" senim bildirdi.
Úndi bitimgershilik batalony quramyndaǵy qazaqstandyq áskerıler ózderin jaýapty mamandar retinde kórsete bildi. Mıssııa basshylyǵy, sheteldik áriptester men baqylaýshylar olardyń kásibı qyzmetine joǵary baǵa berdi jáne álemdik qoǵamdastyqta laıyqty bedelderi bar ekenin rastady.
Aıta keteıik, Qazaqstan Respýblıkasynyń BUU bitimgershilik qyzmetine qatysýy elimizdiń halyqaralyq deńgeıdegi syrtqy saıasat qyzmetiniń mańyzdy salasy bolyp tabylady.
