Týrızm • 04 Tamyz, 2020

Alakól jaǵalaýynda qaýipsizdik pen karantın talaptary qatań saqtalýda

30 ret kórsetildi

Almaty oblysynyń tártip saqshylary oblystaǵy Alakól jaǵalaýynda qylmystar men quqyq buzýshylyqtardyń aldyn alý, turǵyndar men demalýshylardyń qaýipsizdigi men tynyshtyǵyn qamtamasyz etý boıynsha tıisti sharalardy atqarady. Bul týraly Polisia.kz habarlaıdy, dep jazady Egemen.kz

Statıstıkalyq málimetterge súıensek, Alakól kóliniń Almaty oblysy aýmaǵyndaǵy jaǵalaýynda bıyl 150 jýyq demalys orny qyzmet kórsetip, 380 000 adamǵa qyzmet kórsetken.

– Jahanǵa jaıylǵan indettiń saldarynan bıyl kólge keletin sheteldikterdiń sany azaıǵan, degenmen otandyq týrızm bir qadam alǵa basty. Kól jaǵasyndaǵy Yrǵaıty aýyldyq okrýgine qarasty Aqshı aýylynda bıyl bir ǵana qylmys tirkelgen. Ýchaskelik polısııa ınspektorlary ózgeniń múlkin qoldy qylǵan kúdiktini sanaýly saǵatta anyqtap, qylmystyń "izin sýytpaı" ashqan, – dep aıtyp ótti Almaty oblysy Alakól APB bastyǵy Qýat Ospanov.

Negizgi maqstat – ýchaskede quqyq buzýshylyqtyń aldyn alý jáne qaýipsizdikti qamtamasyz etý. Jaǵajaıdaǵy krımınogendik jaǵdaı baqylaýǵa alynǵan. Bıyl 30 jýyq ákimshilik hattama toltyrylyp, aıyppul salyndy. Kúndelikti aýmaqty sholý men tıisti organ ókilderiniń qatysýymen reıdter uıymdastyrý óz nátıjesin berýde. Koronavırýs indetiniń aldyn alý maqsatynda demalys oryndary men demalýshylardyń karantın talaptaryn qatań saqtaýy da baqylaýǵa alynǵan.

– Kólde demalýshylarǵa qaýipsizdik sharalaryn umytpaý qajettiligi únemi eskertiledi. Jaqynda qutqarýshylar tobymen kezekti aralaý barysynda alty jasar balanyń jaǵajaıdan alysqa ketip, batyp bara jatqanyn der kezinde baıqadyq. Shuǵyl jetip, balany aman-esen ata-anasyna tapsyrdyq. Úlkenderge búldirshinderdi kózden tasa qylmaý qajettiligi eskertildi, – dedi Ospanov.

Sońǵy jańalyqtar

Minsiz – kim?

Rýhanııat • Keshe

Semeıdegi serpilis

Aımaqtar • Keshe

Uqsas jańalyqtar