"Joldar birneshe krıterııler boıynsha tańdaldy. Birinshi. Buryn asfalt bolmaǵan joldardy tańdadyq. Mundaı joldardyń kóbi eldi-mekenderde ornalasqan. 150 kósheniń 100-i eldi-mekenderge tıesili. Ekinshi. Jańa avtobýs baǵyttaryn iske qosylatyn kósheler men qozǵalys qarqyny joǵary kósheler qamtyldy. Úshinshi. Turǵyndarmen kezdesý barysynda olar áleýmettik nysandarǵa aparatyn kóshelerdi asfalttaýdy surady. Mektepterge, medısınalyq ortalyqtarǵa, balabaqshalarǵa jáne t.b. aparatyn joldar tizimge engizildi", dep jazdy Altaı Kólginov óziniń Instagram paraqshasynda.
Keshe elorda ákimi keshkilik aralaý barysynda "Kóktal" jáne "Agrogorodok" eldi-mekenderindegi birqatar kóshelerdiń qurylys barysymen tanysty.
"Jalpy, osy eki eldi-mekende 33 kósheni jóndeımiz. Kezdesý barysynda turǵyndar jaryqtandyrý, jylytý, káriz máseleleri boıynsha birqatar máselelerdi kóterdi. Keıbir máseleler boıynsha sheshim sol jerde qabyldandy, qalǵandary josparǵa bekitildi», - dedi A.Kólginov.
Sonymen qatar, barlyq aýdandarda áleýmettik nysandar, qoljetimdi turǵyn úı qurylysy, jaryqtandyrý shamdaryn ornatý, aýmaqtardy abattandyrý, nóser kárizderin ornatý jáne t. b. boıynsha jumystar turaqty túrde júrgizilip jatyr.
"Jylytý máselesi gazdandyrý barysynda sheshiledi. Bıylǵy jylytý maýsymynda gazǵa birqatar eldi-meken qosylady. О́nerkásiptik sektor men eldi-mekenderdi gazdandyrý 3 kezeńde ótedi", - dep atap ótti Nur-Sultan ákimi.
