Koronavırýs • 06 Tamyz, 2020

Almaty oblysynda aýyr naýqastar 60 paıyzǵa azaıdy

360 ret

kórsetildi

1 mın

oqý úshin

Qazir Almaty oblysyndaǵy stasıonarlarda oryn tapshylyǵy joq. Jalpy 3345 adam medısına qyzmetkerlerdiń baqylaýynda. Onyń ishinde stasıonarlyq emdeýde 1 637 naýqas bar, - dep habarlaıdy Egemen.kz.

Qalmahanbet MUQAMETQALI

Almaty oblysynda aýyr naýqastar 60 paıyzǵa azaıdy

Densaýlyq saqtaý basqarmasynyń basshysy О́mirzaq Nııazbekovtyń aıtýynsha, elde jarııalanǵan karantın oblystaǵy epıdahýaldyń jaqsarýyna oń áserin tıgizdi.

"Oblysta COVID-19 ınfeksııasymen kúreske medısınalyq uıymdarda qosymsha provızorlyq oryndar ashylǵan bolatyn. Búgingi kúni provızorlyq oryndardyń 40 paıyzy ǵana jumys jasap tur. Medısınalyq mekemeler 4 tamyzdan bastap qalypty jaǵdaıdaǵy jumystaryn bastady. Iаǵnı, naýqastar josparly túrde em qabyldaýyna bolady. Sonymen qatar oblysta qurylǵan 391 mobıldi top úıde em sharalaryn taǵaıyndaý arqyly naýqastar sanynyń azaıýyna úlken septigin tıgizdi", - dedi densaýlyq saqtaý basqarmasynyń basshysy О́mirzaq Nııazbekov.

Sonymen qatar basqarma basshysy oblystaǵy barlyq medısınalyq mekemeler vırýsqa qajetti dári-dármekpen qamtamasyz etilgenin atap ótti.