Suhbat barysynda spıker jeńil dárejedegi aýrýdy aýyr túrinen qalaı ajyratýǵa bolady jáne qandaı belgiler boıynsha medısınalyq kómekke júginý kerek degen suraqqa jaýap berdi.
"Búginde jeńil jáne aýyr túrdegi aýrýdyń aıyrmashylyǵy aıqyn. Ádette aýrý adamnyń ıntoksıkasııa kúıin bastan keshirýden bastalady. Bul - álsizdik, nashar uıqy, tábettiń nasharlaýy. Bul sımptomdar aýrýdyń jeńil túrinde eleýsiz bolýy múmkin. Bul belgilerdiń kúsheıýi jáne dene qyzýynyń 38 gradýsqa deıin joǵarylaýy - prosestiń shıelenisip jatqanyn jáne aýrýdyń asqynǵandyǵyn kórsetedi", - dedi maman.
Onyń aıtýynsha, budan basqa, JRVI belgileri artqan, ıaǵnı tynys alý joldarynda: murynnyń isinýi, orofarıns, qurǵaq jótel, terleý sekildi belgileri baıqalyp jatyr. Sondaı-aq keýdede aýyrsyný, qozǵalý kezinde entigý paıda bolýy múmkin. Munyń bári jaǵdaıdyń nasharlap bara jatqandyǵyn kórsetedi.
"Dene qyzýynyń 38 gradýstan asýy, tynys alýdyń qıyndaýy, tábet joǵalýy, tynys alý sındromdarynyń joǵarylaýy, munyń bári tez arada aýrýhanaǵa, medısınalyq kómekke júginý qajet ekendigin bildiredi. Aýrý belgileri jeńil bolsa, siz dárigerden onlaın rejıminde keńes ala alasyz", - deıdi spıker.
Adamdar aýyrǵan kezde, burynnan boıynda bar qant dıabeti, arterııalyq gıpertenzııa, júrek-tamyr aýrýlary sekildi aýrýlary kúsheıe túsedi. Kovıd-19 jáne tynys alý joldarynyń aýrýlary, naýqastyń jaǵdaıyn aýyrlata túsýine sebepker bolady, óıtkeni bul aýrýdyń ózi- óte aýyr bolyp esepteledi. Adamnyń jalpy jaǵdaıynyń nasharlaı bastaýy- medısınalyq kómekke júginýdi qajet ekendigin kórsetedi.
"Infeksııanyń eń qaýipti kózi - bul sımptomy bilinbeıtin tasymaldaýshylar. Olarda aýrýdyń kórinisi joq, biraq olar qorshaǵan ortaǵa vırýsty shyǵarady. Sımptomy bilinbeýiniń negizgi sebebi - ımmýndyq júıede, adamdarda bolatyn sozylmaly aýrýlarda bolýy múmkin.
Halyqtyń medısınalyq kómekke júginý deńgeıi 14% quraıdy, sáıkesinshe naýqastardyń 85%-y medısınalyq qyzmet alýdan tys qalýy múmkin", - dedi professor.
Sımptomy bilinbeıtin tasymaldaýshylardy tek zerthanalyq zertteýler arqyly, ıaǵnı bakterıologııalyq daqyldar arqyly anyqtaýǵa bolady. Tıisinshe, tasymaldaý - aýrýdyń eń qaýipti kezeńi bolyp tabylady. Bul koronavırýstyq ınfeksııaǵa, ásirese tynys alý joldarynyń aýrýlaryna tán. Ortasha alǵanda, aýrý juqtyrǵandardyń 60-80%-y jeńil túrde aýyryp shyǵady. Sondyqtan qabyldanǵan barlyq sharalar, statıstıkalyq málimetterge sáıkes, naqty jáne tıimdi bolyp tabylady.
"Eger bizdiń turǵyndar ýaqtyly medısınalyq tekseristen ótip, tynys alý joldarynyń sozylmaly aýrýlaryn anyqtap otyrsa durys bolar edi. О́ıtkeni olar kóbinese ınfeksııany tasymaldaýshy jáne kóbeıýine sebepker bolyp jatady", - dep tolyqtyrdy sózin spıker. "Maska taǵý - ınfeksııanyń taralýyn tejeıtin sharanyń biri".
